3. Mose 19:5 - O Debleskro Drom 2021 (Sinte)

⁵ Te anenn tumer i viecho o baro Debleske, te chan les khetne glan leste, palle krenn kowa jaake, te dikap latches ap tumende!

O Debleskro Lab 2024 (Sinte-Manouche)

⁵ Te anenn t'mer i firho o baro Debleske, te rhan les khetne glan leste, palle krenn kova yaake, te dikap lačes ap t'mende!

3. Mose 19:5 ပူးပေါင်းရင်းမြစ်များ

2. Familjakro liil 31:2

Un o Hiskija tchiwas i rashajen un i Levitarjen jaake khetne, har hunte budrenn le, hakenes an peskri budi. I rashaja hunte anan kol viechen o Debleske, hoi wan tseles chatchedo un kolen, hoi chan le khetne. I Levitarja wan lenge ap i rig, un sharan o baro Debles bashepah un gipah an i wudja ko kherestar, kai o baro Dewel djiwell.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

Ezekiel 46:12

Un te kamell o rai i viecho pestar o baro Debleske te anell, nai well sawo viecho, hoi well tseles chatchedo, nai well sawo viecho, hoi chan le khetne glan o baro Debleste, palle well leske o baro wudar pre kerdo, hoi ap koi rig hi, kai o kham pre djal, te nai well o dren, har lo ap o Debleskro diwes ninna dren well. Un palle djal lo pale koi win. Un o baro wudar hunte well pal leste pandlo.

Ezekiel 46:2

Un o rai djal fun i bari glanstuni platsa dren an i wudareskri halla un atchell tardo pash i pesse kashta, hoi hi tchatches un serwes o wudarestar. Un i rashaja lenn leskre vieche, hoi lo o Debleske dell, un marenn len, un anenn len glan o baro Debleste, kolen kai wenn tseles chatchedo, un kolen, kai wenn chalo glan o Debleste. Un o rai atchell an o wudar un mangell o baro Debles an. Un palle djal lo pale win. O wudar atchell pre, bis te well i rati.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 19:4

Ma nashenn i chochene deblen palla! Krenn tumen kek debla tumare wastentsa! Me, o baro Dewel, hom tumaro Dewel.

3. Mose 19:6

Chan ko mass ko emligo diwes, kai maran ko vieches, oder ko wawar diwes. Hi gomme o triinto diwes tchomone pral, hunte well kowa an i jag chatchedo.

3. Mose 22:19

palle hunte rodell lo i vieches win i grumjendar, bakrendar oder busjendar, hoi i mursh hi un sasto, te dikell o baro Dewel latches ap leste.

3. Mose 22:21

Te anell jek i grumjat oder i bakres glan o baro Debleste, hoi chan i menshe glan leste – nai well i viecho, hoi lo pestar das, nai well i viecho, koleha job kamell peskri sowel, hoi job das, dren rikrell – palle hunte well ko viecho sasto, te dikell o baro Dewel latches ap leste.

3. Mose 22:23

Grumja un bakre, kolen i lengsteder heri hi oder i tikneder heri, sau vieches nai anell jek glan o baro Debleste, te dell lo les pestar kokres. Te anell lo les, te rikrell lo peskri sowel dren, hi kowa gar latcho glan o baro Debleskre jaka.

3. Mose 22:29

Te marenn tumer i vieches o baro Debleske, te parkrenn tumen koleha pash leste, palle chan les ap ko emligo diwes, te dikell o baro Dewel latches ap tumende! Ma mukenn tchomone pral bis ap o wawar diwes! Me hom o baro Dewel.

3. Mose 7:16

Te das jek pes sowel te dell lo tchomone o Debleste, un anell doleske sau viecho o Debleske, well ko mass ko emligo diwes chalo. Te atchell tchomone pral, nai chan le les o wawar diwes ninna. Jaake hunte well ninna kerdo, te das jek i viecho pestar o baro Debleste.

3. Mose 7:18

Te chal jek ap o triinto diwes gomme ko massestar, palle dikell o baro Dewel gar latches ap kowa un ap koleste, kai anas ko viecho glan leste. O mass was pale-tchiddo. Un koon chal kolestar, hunte hidjrell peskri doosh, hoi job koleha ap peste las.