3. Mose 19:36 - O Debleskro Drom 2021 (Sinte)

³⁶ I waga, hoi sikrell har pharo tchomone hi, hunte sikrell kowa an o tchatchepen. Ninna kol barra, hoi pre tchiwenn, hunte wenn jaake pharo har tchatcho hi. Un kol pirja, kolentsa tumer palla dikenn, har bud tchomone hi, kolla hunte wenn jaake baro har tchatcho hi. Me, o baro Dewel, hom tumaro Dewel, kai tumen dran o them Egiptia win anas.

O Debleskro Lab 2024 (Sinte-Manouche)

³⁶ I vaga, hoy sikrell har pharo čomone hi, hounte sikrell kova an o čačepen. Ninna kol barra, hoy pre čivenn, hounte venn yaake pharo har čačo hi. Oun kol pirya, kolentsa t'mer palla dikenn, har boud čomone hi, kolla hounte venn yaake baro har čačo hi. Me, o baro Devel, hom t'maro Devel, kay t'men dran o them Egiptia vin anas.

3. Mose 19:36 ပူးပေါင်းရင်းမြစ်များ

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

Gosewe laba 16:11

I waga, hoi o tchatcho pharepen sikrell, well o baro Deblestar. Job penas, har pharo i saster hunte well, hoi o pharepen sikrell.

Gosewe laba 20:10

I waga, hoi gar tchatches sikrella, har pharo tchomone hi, un i khoro, kai gar jaake bud dren hi, har penlo was, kol dui hi i djungelo koowa glan o baro Debleskre jaka.

Ezekiel 45:10

Tumen hunte well i waga, hoi o tchatcho pharepen sikrell. Un tumare pirja un khore, hoi lenn tumer, te dikenn, har bud tchomone hi, kolla hunte wenn o tchatcho barepen.

3. Mose 11:45

Me hom o baro Dewel, un anom tumen dran o them Egiptia win, te wap tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

Micha 6:11

Lengri waga un kol barra koi pre sikrenn gar o tchatcho pharepen. Sawo koowa nai bistrau me gar.

Zakarie 5:6

Un me putchom: “Hoi hi kowa?” Job penas: “Kowa hi i korba, hoi kote win well. Kai korba hi o tchilatchepen o tselo themestar.”