3. Mose 19:35 - O Debleskro Drom 2021 (Sinte)

³⁵ Krenn kek chochepen, te wenn khetne te krenn o tchatchepen win! Ma chochenn witar gar te dikenn palla, har baro oder pharo oder bud tchomone hi!

O Debleskro Lab 2024 (Sinte-Manouche)

³⁵ Krenn kek rhorhepen, te venn khetne te krenn o čačepen vin! Ma rhorhenn vitar gar te dikenn palla, har baro oder pharo oder boud čomone hi!

3. Mose 19:35 ပူးပေါင်းရင်းမြစ်များ

5. Mose 25:15

Le sawe barra un pirja, kolen o tchatcho barepen hi! Palle djiweh i rah tsiro an ko them, hoi tumaro baro Dewel tut dell.

5. Mose 25:13

Te bikreh tchomone, ma tchip i tikneder bar ap i waga, har te gineh tchomone! Te gineh tchomone, ma tchip i bareder bar ap i waga!

Mateo 7:2

Te hi tumen i baro dji i wawarenge, hi o Debles ninna i baro dji tumenge. Hi tumen kek baro dji lenge, hi o Debles witar gar i baro dji tumenge.

Micha 6:1

Shunenn, hoi penell o baro Dewel ap o Israel: Ste pre, un an tiro koowa glan! Un muk i bare un tikne berge tiro rakepen te shunell!

Gosewe laba 20:10

I waga, hoi gar tchatches sikrella, har pharo tchomone hi, un i khoro, kai gar jaake bud dren hi, har penlo was, kol dui hi i djungelo koowa glan o baro Debleskre jaka.

Gosewe laba 16:11

I waga, hoi o tchatcho pharepen sikrell, well o baro Deblestar. Job penas, har pharo i saster hunte well, hoi o pharepen sikrell.

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

Ezekiel 45:10

Tumen hunte well i waga, hoi o tchatcho pharepen sikrell. Un tumare pirja un khore, hoi lenn tumer, te dikenn, har bud tchomone hi, kolla hunte wenn o tchatcho barepen.