3. Mose 19:32 - O Debleskro Drom 2021 (Sinte)

³² Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

O Debleskro Lab 2024 (Sinte-Manouche)

³² Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

3. Mose 19:32 ပူးပေါင်းရင်းမြစ်များ

1. Mose 31:35

Un joi penas ap peskro dadeste: “Ab gar chojedo, miro dad, kai nai stau gar pre glan tute. Man hi i djuwjakro koowa.” Doleske hatsas job kol khereskre deblen gar, jaake bud job ninna rodas.

1. Mose 48:12

Un o Josef las len lestar krik un witsras pes glan leste tele, peskro mui ap i phub.

1. Rajengro liil 2:19

Un i Batsheba djas pash o baro rajeste Salomo, te rakrell li leha pral kowa, hoi o Adonija lestar kamell. Un o baro rai, har dikas lo peskri dai, stas lo pre glan late, tchiwas peskro shero tele glan late, un beshas pes ap peskri rajeskri beshepaskri. Un lake mukas lo ninna i beshepaskri te well, te beshell li pes nai ap leskri tchatchi rig.

2. Rajengro liil 17:36

Man kokres mangenn an! Glan mande tchiwenn tumen tele un anenn mange viechen un sungepaskro koowa. Me hom o baro Dewel, kai anom tumen dran o them Egiptia win miro sorelo wasteha un bari sorjah.

Hiob 32:4

O Elihu rikras pes o tselo tsiro pale peskro rakepah, bis te rakran kol wawar o Hiobeha. Jon his phureder har job.

Hiob 32:6

Un o Elihu, koleskro dad o Barachel his, ko Busari, penas: Me hom terno. Tumer han phure mursha. Doleske darom tumenge te penell, hoi djinau.

Gosewe laba 16:31

Parne balla hi har i kutch rajeskri stadi, hoi o Dewel kolen dell, kai leskro drom djan.

Gosewe laba 20:29

O railepen i terne murshendar hi lengri soor. Un parne balla hi o shukapen i phurenge.

Gosewe laba 23:22

Shun ap tiro dadeste un tiri date! Jon dan tut o djipen. Ma dik tele ap lende, te wan le phuro.

Jesaja 3:5

Un an o them djal hakeno ap o wawareste un dell les pral o kand: o terno o phures, o tchi-moldo o an-dikles.

Ropaskre gilja 5:12

I pralstune mursha wan lendar i dorjentsa pre pandlo, un ap i phurende dikan le gar pre.

3. Mose 19:14

Ma praasse jekes, kai nai shunell gar. Un ma tchip i koreleske tchomone an o drom, te perell lo wergel. Rike tuke tiro Debles glan i jaka pash halauter, hoi kreh! Me hom o baro Dewel.

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!

1. Timoteo 5:1

Ma tchinge ap i phureste! Tu te peneh o phuro mursheske, kai kowa gar mishto hi, hoi job kras, palle rake leha, har te wals job tiro dad! Un i terne murshentsa rake, har te wans le tire phrala!

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!