3. Mose 19:26 - O Debleskro Drom 2021 (Sinte)

²⁶ Ma chan mass, kai rat dren hi. Ma durkrenn! Ma krenn bengeskro koowa!

O Debleskro Lab 2024 (Sinte-Manouche)

²⁶ Ma rhan mass, kay rat dren hi. Ma dourkrenn! Ma krenn bengeskro koova!

3. Mose 19:26 ပူးပေါင်းရင်းမြစ်များ

1. Mose 44:5

Tumer tchoran miro rajeskro rupeno khoro, dran koleste job pijell un durkrell. Hi gar mishto, hoi kran!”

1. Mose 9:4

Kokres o mass, kai hi gomme rat dren, kowa hunte chan gar; an o rat hi o djipen.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Familjakro liil 33:6

Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Mose 7:11

Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

2. Mose 8:7

Un i djambe hunte djan penge tutar un dran tiro kheer, ninna dran i khera kol pralstunendar un tire tsele menshendar. Kokres an o Nil atchenn le pral.”

Jeremia 10:2

Kowa penell o baro Dewel: Ma djan i dromma, hoi i menshe an wawar themma djana! Jon darenn glan o sikepen, hoi krenn i momlia ap o bolepen. Tumer hunte darenn kowa gar.

Daniel 2:10

Un jon penan ap leste: “Kek mensho ap kai phub nai penell tuke, hoi tu kameh, baro rai! Kek baro rai, har baro un sorelo job ninna his, putchas sawo koowa jekestar mank peskre durkepangre un drawepangre un kolendar, kai an i bolepangre momlia drawerenn.

3. Mose 19:25

An o pantchto bersh chan tumer kowa, hoi kol ruka hidjrenn. Te krenn tumer kowa jaake, palle well kowa hoi tumen dren lenn, budeder un budeder. Me, o baro Dewel, hom tumaro Dewel.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

3. Mose 7:26

Ma chan witar kek rat – kek rat i viechestar un kek rat i tchirklestar, kai tumer ninna djiwenna!

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Bičepangre 15:20

Mer tchinah lenge i liil, un penah lenge, te chan le kek mass, hoi was glan i figura anlo, hoi i menshe an-mangenn, har te wals li o Dewel; te sowenn i mursha gar wawar djuwjentsa, witar gar i djuwja wawar murshentsa; te chan le kek mass i viechendar, kai o rat gar win nashas, te pijenn le lendar witar kek rat.

5. Mose 12:16

Kokres o rat ma chan! Koles tchorenn ap i phub har pani.

5. Mose 12:23

Kokres jek koowa rikrenn dren! Ma chan o mass, kai hi gomme o rat dren! An o rat hi o djipen. Un tumer hunte chan gar o djipen khetne o masseha.

5. Mose 15:23

Kokres lakro rat chas tu gar! Tu tchoress les ap i phub har pani.

1. Samuel 14:32

un jaake bari bok, te peran le pral ko koowa, hoi i Filistarja pal pende mukan, un lan penge bakre, grumja un terne grumja un dan len mulo, un chan o mass, kai o rat gomme dren hi.

1. Samuel 14:33

Un o Sauleske was penlo: “I lurde anenn doosh ap pende glan o baro Debleste: Jon chan o mass, kai o rat gomme dren hi.” Koi das o Saul gole: “Hawo pale-tchiddo koowa glan o baro Debleste! Anenn i baro bar kai pash mande!”

1. Samuel 15:23

Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”