3. Mose 19:25 - O Debleskro Drom 2021 (Sinte)

²⁵ An o pantchto bersh chan tumer kowa, hoi kol ruka hidjrenn. Te krenn tumer kowa jaake, palle well kowa hoi tumen dren lenn, budeder un budeder. Me, o baro Dewel, hom tumaro Dewel.

O Debleskro Lab 2024 (Sinte-Manouche)

²⁵ An o pančto bersh rhan t'mer kova, hoy kol rouka hidjrenn. Te krenn t'mer kova yaake, palle vell kova hoy t'men dren lenn, boudeder oun boudeder. Me, o baro Devel, hom t'maro Devel.

3. Mose 19:25 ပူးပေါင်းရင်းမြစ်များ

3. Mose 19:10

Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

3. Mose 19:24

O starto bersh well lauter, hoi kol ruka hidjran, o baro Debleske anlo, te parkrenn tumen pash leste.

3. Mose 19:26

Ma chan mass, kai rat dren hi. Ma durkrenn! Ma krenn bengeskro koowa!

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

3. Mose 19:4

Ma nashenn i chochene deblen palla! Krenn tumen kek debla tumare wastentsa! Me, o baro Dewel, hom tumaro Dewel.

3. Mose 23:14

Chan kek maro dran o newo djob, witar gar peklo djob oder terno djob, bis te anan tumaro Debleske leskro kotar kolestar. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.