3. Mose 19:23 - O Debleskro Drom 2021 (Sinte)

²³ Te wenn tumer an ko them, un tchiwenn bud ruka an i phub, kolendar tumer nai chan, palle chan gar lendar i glanstune triin bersha, har te wans le pale-tchiddo.

O Debleskro Lab 2024 (Sinte-Manouche)

²³ Te venn t'mer an ko them, oun čivenn boud rouka an i phoub, kolendar t'mer nay rhan, palle rhan gar lendar i glanstoune triin bersha, har te vans le pale-čiddo.

3. Mose 19:23 ပူးပေါင်းရင်းမြစ်များ

2. Mose 6:12

O Mose penas ap o baro Debleste: “Dik, i Israelitarja shunan gar ap mande. Har shunell palle o Farao ap mande? Ninna haiwau gar mishto te rakrell.”

2. Mose 6:30

Un o Mose penas ap o baro Debleste: “Tu djineh, me haiwau gar mishto te rakrell. Har shunell o Farao ap mande?”

Jeremia 6:10

Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

3. Mose 12:3

Ap o ochtato diwes well ko ternepen ap leskro mass tchinlo.

3. Mose 14:34

Te wenn tumer an o them Kanaan, hoi me tumen dau, te well kau them tumenge, un me mukau kote an i kheer i djungelo kotar win te well,

3. Mose 19:22

Ko rashai marell ko bakro glan o baro Debleste, te well ko mursheskri doosh pale mishto. Un o baro Dewel bistrell leskri doosh, hoi lo ap peste anas.

3. Mose 19:24

O starto bersh well lauter, hoi kol ruka hidjran, o baro Debleske anlo, te parkrenn tumen pash leste.

3. Mose 22:27

Te well i tikni grumni, i tikno bakro oder i tikni busni boldo, palle well kau ternepen efta diwessa pash peskri date. Pal o ochtato diwes nai aneh les o baro Debleske, te well les leske maredo. Palle dikell lo latches ap leste.

3. Mose 23:14

Chan kek maro dran o newo djob, witar gar peklo djob oder terno djob, bis te anan tumaro Debleske leskro kotar kolestar. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.