3. Mose 19:19 - O Debleskro Drom 2021 (Sinte)

¹⁹ Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!

O Debleskro Lab 2024 (Sinte-Manouche)

¹⁹ Djivenn pal kol laba, hoy t'mende sikrenn, hoy me t'mendar kamau! Fiche dran douy vavar mass, moukess tou gar khetne te vell, te nay krenn le terne. Ap tiro kotar phoub, ma vitse douy koova vin, te vell kova bares. I ripen kerdo dran douy vavar thaba, vell gar ap toute!

3. Mose 19:19 ပူးပေါင်းရင်းမြစ်များ

1. Mose 36:24

O Zibon his o dad dui tchawendar: o Aja un o Ana. Kowa hi ko Ana, kai hatsas o tato pani an o mulo them, har das lo jak ap i burike peskro dadestar Zibon.

2. Samuel 13:29

Jaake kran o Absalomeskre lurde o Amnoneha har o Absalom lenge penas. Koi stan i wawar tchawe o baro rajestar pre, un hakeno beshas pes ap peskri maultikri burika, un klissan penge.

2. Samuel 18:9

O Absalom was gar dur o Davideskre lurdendar. Un job klissas ap i maultikri burika. Un har koi burika tel i baro ruk bud kashtentsa was, atchas lo peskre ballentsa an ko ruk bladedo. Un job his mashkral i phub un o bolepen bladedo, un leskri burika djas mashkral leskre herja krik.

1. Rajengro liil 1:33

Un o baro rai penas ap lende: “Lenn tumentsa i pralstunen pral miro kheer, un penenn miro tchaweske, o Salomo, te beshell lo pes ap miri burika, un djan leha tele pash o pani Gihon!

Esra 2:66

Un len his 736 (efta-sheel-te-trijanda-te-shob) graja, un 245 (dui-sheel-te-star-deesh-te-pantch) maultikre burike,

3. Mose 18:4

Pal miro tchatchepen hunte djiwenn, un krenn, hoi me tumendar kamau. Me, o baro Dewel, hom tumaro Dewel.

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

3. Mose 20:8

Krenn, hoi me tumendar kamau! Rikrenn tumen ap kowa! Me, o baro Dewel, rodom tumen win, te wenn mire menshe.

3. Mose 22:31

Rikrenn tumen ap kowa, hoi tumenge penau! Un djiwenn pal kowa! Me hom o baro Dewel.

3. Mose 25:18

Doleske krenn, hoi tumendar kamau, un djiwenn pal miro tchatchepen! Palle nai djiwenn tumer an kau them kek darjah.

Louka 5:36

Un job penas lenge laba, kai i khatedo tchatchepen dren hi, un penas: “Kek tchinell i kotar dran i newo ripen win, un siwell les ap i phuro ripen. Kowa krell o newo un o phuro ripen paash.

Remarja 11:6

Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.