3. Mose 19:10 - O Debleskro Drom 2021 (Sinte)

¹⁰ Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

O Debleskro Lab 2024 (Sinte-Manouche)

¹⁰ Yaake krenn ninna t'mare drakentsa. Har anan len dren, ma djan i douyto kopo ap ko kotar phoub, te anenn kolla dren, kay pral ačan, vitar gar save, kay tele peran. Kol čorvelenge, oun kolenge dran i vi-them, moukenn len pral! Me, baro Devel, hom t'maro Devel.

3. Mose 19:10 ပူးပေါင်းရင်းမြစ်များ

Jesaja 17:6

Kokres i wast pherdo menshe atchenn djido. O Israel hi har i djeteskro ruk, kolestar dan le i djeteskre drake tele. Un dui te triin drake atchan pral ap i pralstune kashta, un star te pantch ap i telstune kashta. Me, o baro Dewel, hom o Israeleskro Dewel, un penom kowa.

Jesaja 24:13

I menshentsa an i themma djal jaake har an ko tsiro win dikell, kai wan i drake i djeteskre rukendar un i moljakre rukendar tele dino. Un kokres i wast pherdo atchenn ap i ruka.

Jeremia 49:9

Kolla, kai i drake tele lenna, wenna pral lende. Tchi mukenn le pral! Tchorepangre wenn rati pral lende, un tchorenn len win, har lengro dji les lenge penella!

3. Mose 11:44

Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

3. Mose 19:11

Ma tchorenn! Ma rakrenn chochepen! Ma krenn chocheno koowa jek o wawareske!

3. Mose 19:25

An o pantchto bersh chan tumer kowa, hoi kol ruka hidjrenn. Te krenn tumer kowa jaake, palle well kowa hoi tumen dren lenn, budeder un budeder. Me, o baro Dewel, hom tumaro Dewel.

3. Mose 19:9

Te anenn tumer o djob dren ap tumaro them, tchinenn gar o djob ap i tseli kotar phub tele. Mukenn tchomone ap i rigja tardo. Djan witar gar i duito kopo pral ko kotar phub, te hadenn kowa pre, hoi tele peras.

3. Mose 23:22

An ko tsiro, kai tchinenn o djob tele, hoi ap tumaro kotar phub bares was, mukenn tchomone ap i rigja tardo. Ma djan witar gar i duito kopo pral ko kotar phub, te hadenn kowa pre, hoi tele peras. Mukenn kowa i tchorwelenge un kolenge dran i wi-them! Me, o baro Dewel, hom tumaro Dewel.

3. Mose 25:6

Hakeno tumendar nai lell khetne, hoi lo hatsell ap o them: tumer un tumare budepangre, mursha har djuwja, ninna kolla, kai budrenn hako kopo jek diwes pash tumende, un kolla, kai jek tsiro pash tumende djiwenn.

Obadja 1:5

Tchorepangre wenn rati pral tute un tchorenn tut win, bis te hi le doha! Hoi atchell tuke palle? Ninna kolla wenna pral tute, kai i drake tele lenna. Tuke mukenn le tchi pral!

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

5. Mose 24:19

Te bistral i pandepen newo djob ap tiro hachetikri phub an ko tsiro, kai aneh tiro djob dren, palle djas tu gar pale, te aness les. Muk les kolenge, kai dran i wawar them pash tumende djiwenn, ninna kol tchawenge, kolengro dad meras, un kol djuwjenge, kolengro rom meras. Koleske dell tut tiro baro Dewel bacht an halauter, hoi tire wasta an-taprenn.

5. Mose 24:20

Te lal tu i drake tele tiro djeteskre rukendar, palle djas tu gar pale pash kol ruka, un rodess len tele pal wawar drake. Muk len kolenge, kai dran i wawar them pash tumende djiwenn, ninna kol tchawenge, kolengro dad meras, un kol djuwjenge, kolengro rom meras.

5. Mose 24:21

Te lal tu i drake dren tiri moljakre rukendar, palle djas tu gar pale pash kol ruka, un rodess len tele pal wawar drake. Muk len kolenge, kai dran i wawar them pash tumende djiwenn, ninna kol tchawenge, kolengro dad meras, un kol djuwjenge, kolengro rom meras.

Čačepangre 8:2

Un job penas ap lende: “Kowa, hoi tumer kran, hi bud bareder har kowa hoi me krom. Kowa hi jaake har an ko tsiro, kai i drake dren anlo wenna: Kol palstune drake hi feteder har i tsele wawar. Jaake hi kowa, hoi o Efrajim kras, feteder har kowa, hoi mire tsele menshe khetne kran.

Ruth 2:2

His i diwes, koi penas i Rut ap i Naomi: “Me kamau ap i hachetikri phub te djal un djob pre te hadell, hoi tchiddo atchas. Djau pash jekeste, kai latcho hi ap mande un mukell man kowa te krell.” Un i Naomi penas: “Dja miri tchai!”