3. Mose 18:27 - O Debleskro Drom 2021 (Sinte)

²⁷ hoi kolla kran, kai glan tumende kate djiwan un o them pale-tchiddo kran.

O Debleskro Lab 2024 (Sinte-Manouche)

²⁷ hoy kolla kran, kay glan t'mende kate djivan oun o them pale-čiddo kran.

3. Mose 18:27 ပူးပေါင်းရင်းမြစ်များ

1. Rajengro liil 14:24

Koi his ninna mursha un djuwja, kai bikran pen lowenge ap kol mulne platse. Un i menshe an Juda kran ko tselo djungelo koowa, hoi kol menshe kran, kolen o baro Dewel win tradas dran o them, har i Israelitarja dren wan.

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

2. Rajengro liil 21:2

Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

2. Familjakro liil 36:14

Ninna i tsele pralstune an o them Juda un i rashaja un i menshe an o them kran pengri doosh gomme bareder pengro djipah: Jon djiwan pal ko djungelo koowa, hoi i menshe an i wawar themma kran, un kran o baro Debleskro kheer pale-tchiddo, ko kheer, hoi job wi-rodas, te djiwell lo kote an o foro Jerusalem.

Ezekiel 16:50

Na-a, jon kran pen bares, un kran glan mire jaka, hoi mange djungeles hi. Doleske lom lat ninna krik, har kowa latar dikom.

Ezekiel 22:11

Ko jek sowell i wawareskri romjah, un ko wawar sowell peskro tchaweskri romjah un krell lat jaake pale-tchiddo. Pale i wawar taprell sorjah peskri phenjat an, ko tchat peskro dadestar.

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.

3. Mose 18:24

Ma krenn tumen sau koweha pale-tchiddo! Kowa lauter kras kol wawar menshe pale-tchiddo, kolen me glan tumende dran o them win tradau.

3. Mose 18:26

Doleske krenn kowa, hoi me tumendar kamau, un djiwenn pal miro tchatchepen, tumer un ninna ko wi-themari, kai mank tumende djiwell! Krenn kek sawo pale-tchiddo koowa,

3. Mose 18:28

Te krenn tumer kau them ninna pale-tchiddo, wenn tumer dran kau them win tradedo har kol wawar menshe, kai glan tumende kai his.

5. Mose 20:18

Te krenn tumer kowa gar, anenn le tumenge pashel, har te krenn ko tselo djungelo koowa, hoi jon pengre deblenge kran. Un jaake anens tumer doosh ap tumende glan tumaro baro Debleste.

5. Mose 23:18

Mank i Israelitarja hunte well kek djuwel un kek mursh, kai bikrell pes lowenge an o kheer i wawar deblestar.

5. Mose 25:16

O baro Debleske hi menshe, kai chochepen krenn, djungeles.

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!