3. Mose 18:25 - O Debleskro Drom 2021 (Sinte)

²⁵ O tselo them was koleha pale-tchiddo kerdo. Me anau lengri doosh ap lende pale, un krau, te wenn kol menshe win tradedo dran ko them, kai le djiwenn.

O Debleskro Lab 2024 (Sinte-Manouche)

²⁵ O tselo them vas koleha pale-čiddo kerdo. Me anau lengri doosh ap lende pale, oun krau, te venn kol menshe vin tradedo dran ko them, kay le djivenn.

3. Mose 18:25 ပူးပေါင်းရင်းမြစ်များ

1. Rajengro liil 21:26

Leskro djungleder koowa his, te nashas lo i mule deblenge palla, jaake har kran kowa i Amorarja, kolen tradas o baro Dewel glan i Israelitarjen krik.

Esra 9:11

kai tu kolenge penal, kai tire budepangre, tire rakepangre his, te penenn le kowa menge dureder. Tu penal menge: ‘Ko them, kai tumer koi wenna, te lenn les tumenge, hi i pale-tchiddo them. I menshe, kai kote djiwenn, kran les pale-tchiddo ko tselo djungelo koweha, hoi le kran, har mangan le wawar deblen an. Lengre mule debla hi an o tselo them jek rigjatar bis ap i wawar.

Debleskri gili 106:38

Awa, jon dan pengre tchawen un tchen mulo, kai kek doosh ap pende anan, un dan len kol mule deblen, kolen i Kanaanitarja an-mangan. Jaake anan le rateskri doosh ap o them Kanaan,

Debleskri gili 89:32

un krenn gar, hoi lendar kamau, un rikrenn pen gar ap mire laba,

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jeremia 14:10

Jaake penas o baro Dewel kal menshendar: Jon nashenn jek rigjatar ap i wawar, jaake har kamenn le. Doleske dikell o baro Dewel gar latches ap lende. Leske well an o shero, hawo tchilatcho koowa jon kran. Un lengri doshake dell job len i phagi.

Jeremia 16:18

Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

Jeremia 2:7

Un me anom tumen an i latcho them, kai bud chapen hi, te chan ko tselo latcho koowa, hoi kote baro wella. Un har tumer an ko them djan, kran les tumer pale-tchiddo. Un miro them was djungeles glan mire jaka.

Jeremia 23:2

Doleske penell o baro Dewel, ko Dewel pral o Israel, ap i pralstunende, kai hunte dans garda ap leskre menshende: Tumer rikran mire menshen gar khetne. Jon hi har bakre, kai wan kate te kote tradedo. Tumer dan gar garda ap lende. Kanna dau me garda, te lenn tumer tumari phagi ko tchilatchepaske, hoi kran.

Jeremia 5:29

Mukap me len kowa te krell un penap tchi koi pre, penell o baro Dewel. Dap me sawe menshen kek phagi?

Jeremia 5:9

Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Jeremia 9:9

Me kamau pral kau them an i berge rowell, un pral ko senelo pralstuno them i ropaskri gili te giwell. Lauter hi pre-chatchedo. Kek mensho djal koi trujel. Kek grumja un bakre denn kote gole. Ninna kol tchirkle un i diwje vieche nashan penge, un mukenn pen buder gar te dikell.

Hosea 2:13

Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Hosea 9:9

Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.

3. Mose 18:26

Doleske krenn kowa, hoi me tumendar kamau, un djiwenn pal miro tchatchepen, tumer un ninna ko wi-themari, kai mank tumende djiwell! Krenn kek sawo pale-tchiddo koowa,

3. Mose 18:28

Te krenn tumer kau them ninna pale-tchiddo, wenn tumer dran kau them win tradedo har kol wawar menshe, kai glan tumende kai his.

Remarja 8:22

Mer djinah, halauter, hoi o Dewel kras, rowell un dell gole i dukatar bis kau diwes.

5. Mose 18:12

Koon sawo koowa krella, hi pale-tchiddo glan o baro Debleskre jaka. Dran sawo djungelo pale-tchiddo koowa tradell tumaro baro Dewel kol wawar menshen dran o them win glan tumende.

5. Mose 21:23

palle atchell ko mulo gar pral i rat ap ko kashteste. Na-a, job hunte well paskedo ap ko emligo diwes, te well ko them gar pale-tchiddo, hoi tumaro baro Dewel tumen dell. Pash leste hi kowa praassedo, kai hi pre-pandlo ap i kasht.

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.