3. Mose 18:20 - O Debleskro Drom 2021 (Sinte)

²⁰ Tu sowess gar i romjah i wawarestar, te kress tut gar pale-tchiddo.

O Debleskro Lab 2024 (Sinte-Manouche)

²⁰ Tou sovess gar i romyah i vavarestar, te kress tout gar pale-čiddo.

3. Mose 18:20 ပူးပေါင်းရင်းမြစ်များ

2. Samuel 11:27

Har his kol diwessa trujel, kai li rowas, bitchras o David jekes pash late, un mukas lat an peskro kheer te anell. Un joi was leskri romni, un anas leske i tchawo ap i phub. Glan o baro Debleskre jaka his kowa gar mishto, hoi o David kras.

2. Mose 20:14

Romeha, ma dja i wawar djuwjah! Romnija, ma dja i wawar mursheha!

Gosewe laba 6:25

Muk tiro dji gar lakro shukapen palla te nashell! Muk tut gar lakre shukar jakentsa te taprell!

Ezekiel 18:6

kowa chal tchi ko massestar, hoi i chochene deblenge dino was. Job mangell gar i chochene deblen an, kolen i Israelitarja an-mangenn, un djal gar i wawareskri romjah, un sowell gar i djuwjah an ko tsiro, kai lat peskro koowa hi.

3. Mose 20:10

Te sowell jek i romjah i wawarestar, hunte wenn kol dui maredo.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Remarja 2:22

Tumer penenn: ‘Ma choche tiri romjat i wawar djuwjah!’ Un tumer krenn kowa. Tumer penenn: ‘Kowa hi gar mishto, te mangenn wawar koowa an har o Debles.’ Un tumer tchorenn ko koowa.

1. Korintarja 6:9

Tumer hunte djinenn, kolla, kai tchilatcho koowa krenna, wenn gar pash o Debleste an o bolepen, un lenn gar ko latcho koowa, hoi o Debles peskre tchawenge hi. Ma chochenn tumen kokres! Kolla, kai wi-ladjedo koowa krenna, wenn gar pash o Debleste an o bolepen, witar gar kolla, kai mangenn wawar koowa an har o Debles, witar gar kol mursha, kai chochenn pengri romjat i wawar djuwjah, witar gar kol djuwja, kai chochenn pengro romes i wawar mursheha, witar gar kol mursha, kai krenn wi-ladjedo koowa wawar murshentsa un tchawentsa,

Galatarja 5:19

Tumer lauter djinenna, har kol menshe djiwenna, kai krenn ko tchilatchepen, hoi an lende hi: I mursha sowenn wawar djuwjentsa. Un i djuwja sowenn wawar murshentsa. I menshe krenn djungelo koowa un wi-ladjedo koowa.

5. Mose 22:22

Te hatsell jek i murshes, kai hi tchiddo pash i djuwel, koja i wawareskri romni hi, palle hunte merenn kol dui: ko mursh, kai pash late tchiddo his, un koi djuwel. Jaake tchiwenn tumer o tchilatchepen dran Israel win.

5. Mose 22:25

Te hatsell ko mursh i tchat win ap o them, un koi tchat hi i pirno, un ko wawar mursh taprell lat un tchiwell pes pash late, palle hunte merell ko mursh kokres, kai pes pash late tchiwas.

5. Mose 5:18

Romeha, ma dja i wawar djuwjah! Romnija, ma dja i wawar mursheha!

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.