3. Mose 17:7 - O Debleskro Drom 2021 (Sinte)

⁷ I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

O Debleskro Lab 2024 (Sinte-Manouche)

⁷ I Israelitarya hounte marenn bouder kek firhen i bengenge, kolenge yon kanna gomme palla nashenn. Ap kova hounte rikrenn le pen, ninna lengre čavenge oun kolengre čavenge oun yaake doureder hako tsireske.

3. Mose 17:7 ပူးပေါင်းရင်းမြစ်များ

2. Familjakro liil 11:15

O Jerobeam rodas peske rashajen win, kai budran ap i mulne platse i bengenge un kol mule deblenge, hoi win dikan har terne grumja, hoi job mukas te krell.

Debleskri gili 106:37

Jon maran pengre tchawen un tchen i bengenge.

Debleskri gili 106:39

un kran pen pale-tchiddo koleha, hoi jon kran, un peran o baro Debleskro dromestar tele.

2. Mose 22:19

Kowa, hoi dell i wawar debleske i viecho temerl, un gar o baro Debleske, kowa well infam.

2. Mose 22:20

Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

2. Mose 34:15

Ma awenn mala kol wawar menshenge an o them! Jon mangenn pengre deblen dran kasht un bar an, un marenn viechen lenge. Te wans tumer lengre mala, nai djals, te djan lentsa un chan ko chapen, hoi jon anan lengre deblen.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Ezekiel 23:3

Kolla wan lubja an o them Egiptia, har le terne his. Kote mukan le pengre tchutchja an te taprell.

Ezekiel 23:8

Har li i terni djuwel his an o them Egiptia, sowan i mursha lah, un tapran lakre tchutchja an, un kran lah trujel. Un sawo koowa mukas li kanna gar.

3. Mose 17:8

Tu peness lenge: Hako mursh dran o kheer Israel, ninna hako wi-themari, kai mank tumende djiwell, kai kamell i vieches o baro Debleske te marell, sau viecho, koleskro tselo mass chatchedo well, oder sau viecho, hoi chan le khetne glan o baro Debleste,

3. Mose 20:5

palle dau me kokres ko murshes peskri phagi, ninna leskre menshen. Me mukau les un hakenes, kai ko debles Moloch pal nashas, buder gar mank pengre menshende te djiwell.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

Johanni 12:31

Kanna well i phagi pral i tseli phub wi-rakedo. Kanna witsrell o Dewel koles win, kai hi o rai pral kai phub.

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

1. Korintarja 10:20

Kowa, hoi i menshe kol deblen dran kasht un bar denna, anenn jon i bengenge, gar o Debleske. Un me kamau gar, te wenn tumer i bengentsa khetne.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

5. Mose 32:17

Jon anan viechen sawe deblenge, kai kek debla hi. Kolen prindjran jon glan kowa gar. Kolla wan newes pre. I phure mangan len gar an.

Debleskro tsiro 9:20

Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.