3. Mose 17:5 - O Debleskro Drom 2021 (Sinte)

⁵ Bis kanna maran i Israelitarja pengre viechen win ap o them. Kanna hunte anenn le len o baro Debleske glan o wudar leskro plachteno kherestar pash o rashajeste. Un kote wenn le maredo, te chan le len khetne glan o baro Debleste.

O Debleskro Lab 2024 (Sinte-Manouche)

⁵ Bis kanna maran i Israelitarya pengre firhen vin ap o them. Kanna hounte anenn le len o baro Debleske glan o voudar leskro plarhteno kherestar pash o rashayeste. Oun kote venn le maredo, te rhan le len khetne glan o baro Debleste.

3. Mose 17:5 ပူးပေါင်းရင်းမြစ်များ

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Mose 22:13

Koi dikas pes o Abraham trujel. Pal leste hi i bakro mank i burra. Leskre shinga hi an kal burra un job nai was gar win. O Abraham djas koi, las ko bakro, maras les un chatchras les o Debleske, gar peskro tchawes.

1. Mose 22:2

Penas o Dewel: “Le tiro jek tchawes, koles, kai tu o djijestar kameh, o Isaakes. Un dja leha an ko them Morija ap koi berga, hoi me tuke penau! Un mare un chatch les mange kote!”

1. Mose 31:54

Un job maras i viecho o Debleske ap koi berga un kras i chapen peskre menshenge. Un jon chan un atchan i rati koi.

1. Rajengro liil 14:23

Ap i tsele berge un tel hako baro ruk kran le penge mulne platse, tchiwan bare barra pre lengre chochene deblenge, ninna figure, hoi i debletsa Ashera sikrenn.

1. Rajengro liil 3:2

An ko tsiro his o baro Debleske gomme kek kheer kerdo. Doleske anan i menshe viechen un wawar koowa i chochene deblenge an ko them.

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

2. Rajengro liil 16:4

Un job chatchras viechen un sungepaskro koowa i chochene deblenge ap kol mulne platse un tel hako senelo ruk.

2. Rajengro liil 17:10

Un ap haki berga un tel hako baro ruk tchiwan le bare barra pre pengre deblenge, ninna figure, kai i debletsa Ashera sikrenn.

2. Familjakro liil 28:4

Un job chatchras viechen un sungepaskro koowa i chochene deblenge ap kol mulne platse ap i berge un tel hako senelo ruk.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

Ezekiel 20:28

Har me len an o them anom, kolestar man sowel dom, te dap les lende, mangan le wawar deblen an. Hako kopo, kai dikan le i tikni berga oder i baro ruk bud patjentsa, chatchran le viechen i chochene deblenge, un kran man chojedo koleha, hoi le lenge anan. Jon chatchran sungepaskro koowa lenge, un tchoran mool win lenge.

Ezekiel 22:9

Mank tumende hi sawe menshe, kai rakrenn chochepen, te anenn le doosh ap wawarende, jaake te wenn kolla maredo. Wawar tumendar chan o mass sawe viechendar, hoi i chochene deblenge maredo wan, un krenn wi-ladjedo koowa mank tumende:

Ezekiel 43:27

Un pal kal efta diwessa, ap ko ochtato diwes, un fun kotar dureder, chatchrenn i rashaja ko mass kol viechendar, hoi anenn tumer o baro Debleske, kolla, kai wenn leske tseles chatchedo, un ko thulepen kolendar, kai chan tumer khetne glan leste. Te krenn kowa jaake, dikau latches ap tumende, penell o baro Dewel, maro rai.

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

3. Mose 17:6

O rashai lell ko rat un witsrell tchomone lestar ap o baro Debleskri chatchepaskri, hoi glan o wudar leskro plachteno kherestar tardo hi. Un chatchrell o thulepen ko viechestar koi pre. Un o latcho sungepen, hoi well win, sungell mishto o baro Debleste.

5. Mose 12:2

Te was ko tsiro, kai lan tumer ko them dren un tradan kol wawar menshen win, palle denn kol tsele platse paash, kai jon pengre deblen an-mangan, ap i bare un tikne berge, ninna tel bare senele ruka.