3. Mose 17:3 - O Debleskro Drom 2021 (Sinte)

^3-4 Hako mursh dran o kheer Israel, kai kamell i gurum, i bakro oder i busni te marell, hunte krell kowa glan o wudar o Debleskro plachteno kherestar, te well ko viecho o baro Debleske dino. Job hunte krell kowa gar ap i platsa, kai i menshe djiwenn, witar gar glan koi platsa. Te rikrell lo pes gar ap kowa, anell lo rat ap peste har jek, kai i menshes marell. Sawo mensho well pale-tchiddo un nai djiwell buder gar mank peskre menshende.

O Debleskro Lab 2024 (Sinte-Manouche)

^3-4 Hako morsh dran o kheer Israel, kay kamell i gouroum, i bakro oder i bouzni te marell, hounte krell kova glan o voudar o Debleskro plarhteno kherestar, te vell ko firho o baro Debleske dino. Yob hounte krell kova gar ap i platsa, kay i menshe djivenn, vitar gar glan koy platsa. Te rikrell lo pes gar ap kova, anell lo rat ap peste har yek, kay i menshes marell. Savo mensho vell pale-čiddo oun nay djivell bouder gar mank peskre menshende.

3. Mose 17:3 ပူးပေါင်းရင်းမြစ်များ

1. Rajengro liil 3:2

An ko tsiro his o baro Debleske gomme kek kheer kerdo. Doleske anan i menshe viechen un wawar koowa i chochene deblenge an ko them.

3. Mose 17:15

Hakeno, kai chal i viecho, hoi meras oder mulo dandedo was, kowa hunte thowell pes un peskre koola, un atchell pale-tchiddo, bis te well rati. Koi pal hi lo pale erligo. Hi jek, te hi kowa i Israelitari oder i wi-themari.

3. Mose 17:2

Pen ap o Aron un leskre mursh tchawende un ap i tsele Israelitarja: Kawa hi, hoi o baro Dewel tumenge penell:

3. Mose 17:8

Tu peness lenge: Hako mursh dran o kheer Israel, ninna hako wi-themari, kai mank tumende djiwell, kai kamell i vieches o baro Debleske te marell, sau viecho, koleskro tselo mass chatchedo well, oder sau viecho, hoi chan le khetne glan o baro Debleste,

3. Mose 3:2

Job tchiwell peskro wast ap o viecheskro shero un marell les glan o wudar o Debleskro plachteno kherestar. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.