3. Mose 17:11 - O Debleskro Drom 2021 (Sinte)

¹¹ An o rat hi o djipen. Un me kamau, te well lo ap i chatchepaskri anlo, te well i doosh un o pale-tchiddo koowa tumendar krik lino. An o rat hi o djipen. Doleske lau leha i doosh un o pale-tchiddo krik.

O Debleskro Lab 2024 (Sinte-Manouche)

¹¹ An o rat hi o djipen. Oun me kamau, te vell lo ap i rhačepaskri anlo, te vell i doosh oun o pale-čiddo koova t'mendar krik lino. An o rat hi o djipen. Doleske lau leha i doosh oun o pale-čiddo krik.

3. Mose 17:11 ပူးပေါင်းရင်းမြစ်များ

1. Mose 9:4

Kokres o mass, kai hi gomme rat dren, kowa hunte chan gar; an o rat hi o djipen.

3. Mose 1:5

Palle marell lo kai grumni glan o baro Debleskro kheer. Un kol rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja. Kai chatchepaskri hi tardo glan o wudar o plachteno kherestar.

3. Mose 16:11

O Aron marell ko gurum, te well i doosh un o pale-tchiddo koowa lestar un leskri familjatar krik lino, un jon tchatcho un erligo tardo hi glan o baro Debleste.

3. Mose 17:12

Doleske penom me ap i Israelitarja: Kek tumendar chal rat. Witar kek wi-themari, kai mank tumende djiwell, chal rat.

3. Mose 17:14

An o rat hi o djipen. Doleske penom me ap i Israelitarja: Ma chan rat! Koon les chal, well pale-tchiddo un nai djiwell buder gar mank peskre menshende!

3. Mose 4:25

Un o rashai lell peskro gushteha ko ratestar un makell les ap i shinga, hoi ap i star ekke pral ap koi chatchepaskri hi, kai i vieche chatchedo wenna. O tselo wawar rat tchorell lo win tella pash i chatchepaskri.

3. Mose 4:26

Un o tselo thulepen chatchrell lo ap i chatchepaskri jaake, har chatchrell lo o thulepen ko viechestar, hoi jek o Debleske anell, te chan le les khetne glan leste. Jaake krell o rashai, te well lauter pale mishto mank o pralstuneste un o baro Debleste. Un o baro Dewel bistrell leskri doosh.

3. Mose 8:15

Un o Mose maras les kote, un las tchomone ko ratestar, un makas peskro gushteha ko rat ap i shinga, hoi pral ap i star ekke ap i chatchepaskri hi. Ko tselo wawar rat tchoras lo tella pash i chatchepaskri win. Jaake las lo koi tseli doosh un ko tselo pale-tchiddo koowa krik, hoi ap koi chatchepaskri his, te nai well li o Debleske dino.

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

Mateo 26:28

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Markus 14:24

Un job penas ap lende: “Kai mool hi miro rat, hoi me ratau budenge. Jaake krau i drom, kai o Dewel un i menshe mala wenna.

Remarja 3:25

O Dewel bitchras les, te merell lo ap o trushel kolenge, kai ap leste patsenna. Leskro rateha, hoi job ap o trushel ratas, thowas o Dewel mari doosh mendar krik. Jaake dikah, o Dewel hi latcho un tchatcho un lell i menshendar lengri doosh krik.

Remarja 5:9

Leskro rateha kras lo men tchatcho glan o Debleste. Doleske nai djinah soreles: O Debleskri choli well buder gar ap mende. O Jesus Kristo kras lauter mishto.

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

5. Mose 12:23

Kokres jek koowa rikrenn dren! Ma chan o mass, kai hi gomme o rat dren! An o rat hi o djipen. Un tumer hunte chan gar o djipen khetne o masseha.

Kolossarja 1:14

kai plaissras menge peskro rateha, un las mari doosh mendar krik.

Kolossarja 1:20

Un o Jesus Kristo hi ko drom, kai o Dewel un i menshe pale mala wenna. Har job ap o trushel meras, un peskro rat ratas, anas o Dewel lauteren pash peste khetne, hoi hi an o bolepen un ap i phub.

Hebrearja 13:12

Jaake meras o Jesus ninna win glan o foro, te krell lo peskro rateha i menshen erligo glan o Debleste.

Hebrearja 9:22

Hi gar bud koowa, hoi well gar o rateha djudjo un erligo kerdo. Jaake hi an o Moseskre lila tchinlo. Un te well kek rat win tchoredo, nai well kek doosh krik lino.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.