3. Mose 16:31 - O Debleskro Drom 2021 (Sinte)

³¹ Kau Debleskro diwes hi i diwes, kai han kokres o baro Debleske koi. Un tumer nai krenn kek budi, un chan tchi. Jaake well kawa kerdo an hako tsiro, hoi wella.

O Debleskro Lab 2024 (Sinte-Manouche)

³¹ Kava Debleskro dives hi i dives, kay han kokres o baro Debleske koy. Oun t'mer nay krenn kek boudi, oun rhan či. Yaake vell kava kerdo an hako tsiro, hoy vella.

3. Mose 16:31 ပူးပေါင်းရင်းမြစ်များ

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

2. Mose 31:15

Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

2. Mose 35:2

Shob diwessa krenn tumari budi! O eftato diwes hi o Debleskro diwes. Ap ko diwes krenn tchi! Ko diwes hi o baro Debleske. Koon ap kau diwes budrella, hunte merella.

Jesaja 58:3

Bud kope cham tchi, penenn le, te dikess latches ap mende. Hoske dikeh tu kowa gar? Mer rikram men pale o chapastar, un tu haiweh kowa gar! Dikenn, penell o baro Dewel, ap ko diwes, kai tumer mange tchi chan, krenn tumer, hoi tumenge mishto hi, un rikrenn tumare budepangre tele.

Jesaja 58:5

Patsenn tumer, kai mange mishto hi, te rikrell pes i mensho pale o chapastar, un mukell peskro shero tele te perell har i phagedo shilftikro halmo? Te pandell lo i gono trul peste un beshell pes an i jagakri tchik? Patsenn tumer, sawo koowa hi mishto mange? Hi kowa tchatchepah i diwes, ap koleste me, o baro Dewel, latches dikau?

Daniel 10:12

Un job penas ap mande: “Daniel, ma dare! O Dewel shunas tire laba fun o ersto diwes an, har kamal tiro tselo djijeha o dikepen te haiwell, un tut tiknes kral glan tiro Debleste. Un kol labenge, hoi tu rakral, wom me.

3. Mose 23:32

Kau diwes hi i baro diwes tumenge, kai hunte krenn kek budi, un chan tchi fun rati ap o enjato diwes bis te well pale rati ap o wawar diwes.

3. Mose 25:4

O eftato bersh hi i Debleskro bersh, kai i phub nai lell newi soor. Kau bersh hi o baro Debleske. Ap tiro kotar phub witsress tchi win, un tchiness gar tire drakengre ruka.