3. Mose 16:29 - O Debleskro Drom 2021 (Sinte)

²⁹ Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

O Debleskro Lab 2024 (Sinte-Manouche)

²⁹ Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.

3. Mose 16:29 ပူးပေါင်းရင်းမြစ်များ

1. Rajengro liil 8:2

Un i tsele mursha dran Israel wan khetne pash o baro rajeste, o Salomo, an kol bare diwessa an o eftato tchon. Kowa hi o tchon, hoi kharell Etanim.

Esra 3:1

Un har o 7. (eftato) tchon was un i Israelitarja an pengre forja his, wan i tsele menshe har jek mursh khetne an o foro Jerusalem.

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

Debleskri gili 35:13

Har jek lendar nasselo his, riwom ropaskre ripja ap mande, chom tchi un bokom leske, un pale te pale mangom o Debles leske,

Debleskri gili 69:10

Kamau tiro kheer jaake bud, te chatchell miro dji an mande har i jag. Un kolla, kai praassenn tut, praassenn man ninna.

2. Mose 12:16

Ap o ersto diwes awenn khetne, te mangenn man an. Ninna ap o eftato diwes krenn kowa! Ma budrenn ap kol dui diwessa! Kokres o chapen, hoi hakeno chala, nai krenn tumer.

2. Mose 20:10

O eftato diwes hi mange, tiro baro Debleske. Ap ko diwes kress tu kek budi, witar gar tire tchawe un tcha, witar gar tiro budepaskro un tiri budepaskretsa, witar gar tire vieche, witar gar kol wi-themarja, kai an tiro foro djiwenna.

2. Mose 30:10

Jek kopo an o bersh lell o Aron o rat o bakrestar, hoi maredo was, te lell lo i doosh krik, un djal pash o Debleskro sonakaskro bob un makell ko rat ap i shinga, hoi pral ap o bob hi. Kowa krell lo, te well i doosh krik lino, hoi ap o bob hi. Ninna pash tumare tchawende un kolende, kai pal lende wenna, well kowa hako bersh jek kopo jaake kerdo. O sonakaskro bob hi o baro Debleske kokres.

2. Mose 31:14

Rikrenn o Debleskro diwes tumenge! Koon les gar rikrella, well temerl dino. Awa, hakeno, hoi ap o Debleskro diwes budrella, hunte djiwell buder gar mank peskre menshende.

2. Mose 31:15

Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

Jesaja 58:13

Te rikreh tire herja pale, te djas gar ap i budi ap o Debleskro diwes, un djah gar i lowenge palla ap ko diwes, hoi mange hi, un peneh: Kowa hi miro shukeder diwes, kai sharau o baro Debles un mangau les an, te shareh les tu jaake, te djas gar ap i budi un kek lowenge palla, un kreh kek bare laba,

Jesaja 58:3

Bud kope cham tchi, penenn le, te dikess latches ap mende. Hoske dikeh tu kowa gar? Mer rikram men pale o chapastar, un tu haiweh kowa gar! Dikenn, penell o baro Dewel, ap ko diwes, kai tumer mange tchi chan, krenn tumer, hoi tumenge mishto hi, un rikrenn tumare budepangre tele.

Jesaja 58:5

Patsenn tumer, kai mange mishto hi, te rikrell pes i mensho pale o chapastar, un mukell peskro shero tele te perell har i phagedo shilftikro halmo? Te pandell lo i gono trul peste un beshell pes an i jagakri tchik? Patsenn tumer, sawo koowa hi mishto mange? Hi kowa tchatchepah i diwes, ap koleste me, o baro Dewel, latches dikau?

Daniel 10:12

Un job penas ap mande: “Daniel, ma dare! O Dewel shunas tire laba fun o ersto diwes an, har kamal tiro tselo djijeha o dikepen te haiwell, un tut tiknes kral glan tiro Debleste. Un kol labenge, hoi tu rakral, wom me.

Daniel 10:3

Latcho chapen chom me kek an ko tsiro. Kek mass un kek mool was an miro mui, un makom man gar djeteha dren, bis te kol triin kurke trujel his.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:3

Rikrenn o Debleskro diwes! Shob diwessa budrenn, ap o eftato diwes krenn kek budi! Ko diwes hi o baro Debleske. Ap leste awenn khetne glan leste! Ap kau diwes krenn kek budi, kai tumer ninna djiwenna!

3. Mose 23:36

Efta diwessa anenn viechen o baro Debleske, te wenn le leske maredo un chatchedo. Ap o ochtato diwes awenn pale khetne glan o baro Debleste, un marenn un chatchrenn viechen leske. An kal bare diwessa wenn tumer khetne o baro Debleske, un hunte krenn kek budi.

3. Mose 25:9

mukenn an o 50. (paash-sheelto) bersh, an o eftato tchon, ap o deshto diwes an i phurdepaskri te phurdell an o tselo them. Kowa hi o diwes, kai halauter krik lino well, hoi mank tumende un o baro Debleste tardo hi.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

4. Mose 29:7

Ap o deshto diwes an o eftato tchon hunte wenn khetne glan o baro Debleste. Chan tchi ap ko diwes! Krenn witar kek budi!

Bičepangre 27:9

Har kote wam, nashram bud tsiro. O wend his glan o wudar, un mer lam daar, te uleras dureder. Doleske penas o Paulo ap lende:

1. Korintarja 11:31

Te dah jak ap mende, har mer an o patsepen tardo ham, lah kek phagi.

Hebrearja 4:10

Kote hunte krenn i menshe buder kek budi, jaake har o Dewel buder kek budi kras, har lauter ap i phub kerdo was.

1. Samuel 7:6

Un jon wan khetne an Mizpa. Kote lan le pani, un tchoran les glan o baro Debleste win. Un ap ko diwes chan le tchi, te dikell o baro Dewel ap lende. Un jon penan: “Mer anam doosh ap mende glan o baro Debleste.” Un kote an Mizpa was o Samuel lengro tchatchepaskro rai.