3. Mose 16:24 - O Debleskro Drom 2021 (Sinte)

²⁴ Palle thowell lo pes ap i Debleskri platsa, un riwell peskre koola an. Palle djal lo pale win, marell kol dui bakre, ko jek peske, un ko wawar i menshenge Israel, un chatchrell lengro tselo mass o baro Debleske, te well i doosh un o pale-tchiddo koowa krik lino lestar un kol menshendar Israel.

O Debleskro Lab 2024 (Sinte-Manouche)

²⁴ Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel.

3. Mose 16:24 ပူးပေါင်းရင်းမြစ်များ

2. Mose 28:40

Ninna o Aroneskre tchawenge kre gada, pereskre pandepangre un rashajengre stadja, hoi railo un shukar hi.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

Ezekiel 42:14

Te kran i rashaja pengri budi an o Debleskro kheer, un djan pale win dran o Debleskro kheer, hunte riwenn le pengre rashajengre koola win an kal iseme, un hunte riwenn wawar koola an. Palle nai djan le ap i glanstuni platsa mank i wawar menshende. I rashajengre koola hunte wenn gar an-tapedo wawar menshendar.

3. Mose 14:9

Pal kol efta diwessa tchinell lo i duito kopo i tsele balla ap o shero tele, ninna leskri tchora un kol balla pral i jaka un leskre tsele wawar balla, un thowell pes un peskre koola Palle hi lo erligo.

3. Mose 16:25

Kol thulle kotja kol viechendar, hoi maredo wan, te well i doosh un o pale-tchiddo koowa krik lino, kal kotja chatchrell lo ninna ap o Debleskri chatchepaskri.

3. Mose 9:7

Un o Mose penas ap o Aron: “Ab glan o Debleskri chatchepaskri, un an leske ko vieches, koleha tiri doosh krik lino well, un mare ninna tuke ko vieches, koleskro tselo mass o Debleske chatchedo well. Palle kre kowa kol viechentsa, hoi i Israelitarja anan, te well lengri doosh krik lino. Jaake penas kowa o baro Dewel.”

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.