3. Mose 16:23 - O Debleskro Drom 2021 (Sinte)

²³ Pal kowa djal o Aron an o Debleskro plachteno kheer un riwell kol laintikre koola win, hoi job ap peste riwas, har djas lo an o kheer dren. Un kote tchiwell lo len pale tele.

O Debleskro Lab 2024 (Sinte-Manouche)

²³ Pal kova djal o Aron an o Debleskro plarhteno kheer oun rivell kol layntikre koola vin, hoy yob ap peste rivas, har djas lo an o kheer dren. Oun kote čivell lo len pale tele.

3. Mose 16:23 ပူးပေါင်းရင်းမြစ်များ

Ezekiel 42:14

Te kran i rashaja pengri budi an o Debleskro kheer, un djan pale win dran o Debleskro kheer, hunte riwenn le pengre rashajengre koola win an kal iseme, un hunte riwenn wawar koola an. Palle nai djan le ap i glanstuni platsa mank i wawar menshende. I rashajengre koola hunte wenn gar an-tapedo wawar menshendar.

Ezekiel 44:19

Te djan le ap i bari glanstuni platsa win pash i menshende, hunte riwenn le kol koola, an kolende jon budran, pale win, un tchiwenn len tele an kol iseme, hoi i rashajenge hi. Un riwenn wawar koola an, te taprenn i menshe gar i rashajengre koola an, un merenn.

3. Mose 16:22

Kai mursh busni hidjrell lengri tseli doosh peha an o diwjo mulo them. Un kote atchell li.

3. Mose 16:4

Glanstunes hunte thowell lo pes, un riwell i rashajengre koola an: ko laintikro gad, un ko laintikro cholop koi tel. Job pandell i pereskro laintikro pandepen trul peste, un i shereskro pandepen trul peskro shero.

3. Mose 6:11

Kokres kol mursh tchawe, kai wenn o Aronestar, nai chan kolestar. Kowa hi hako tsireske lengro kotar kolestar, hoi i menshe o baro Debleske anenna. Hako wawar, kai taprell kowa an, lell peskri phagi.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.