3. Mose 16:22 - O Debleskro Drom 2021 (Sinte)

²² Kai mursh busni hidjrell lengri tseli doosh peha an o diwjo mulo them. Un kote atchell li.

O Debleskro Lab 2024 (Sinte-Manouche)

²² Kay morsh bouzni hidjrell lengri tseli doosh peha an o divyo moulo them. Oun kote ačell li.

3. Mose 16:22 ပူးပေါင်းရင်းမြစ်များ

Debleskri gili 103:10

Job dell men gar i phagi pal kowa, hoi kram, un dell men maro tchilatchepen gar pale.

Debleskri gili 103:12

Koi rig, kai o kham pre djal, hi dur krik kolatar, kai lo tele djal. Jaake dur har kai jek rig hi koi wawaratar, jaake dur tchiwas job mari doosh mendar krik.

Ezekiel 18:22

Ko tselo tchilatcho koowa, hoi lo kras, well bistedo! Dran ko latcho un tchatcho koowa, hoi lo kanna krell, atchell lo djido.

Ezekiel 4:4

Un tu tchip tut ap tiri serwi rig, un me tchiwau i doosh o kherestar Israel ap tute pre. 390 (triin-sheel-te-enja-deesh) diwessa hunte wess koi tchiddo ap i phub, un hunte hidjress lengri doosh. Jaake bud bersha anas o Israel doosh ap peste. Jek diwes hako bersheske hunte hidjress lengri doosh.

3. Mose 14:7

un witsrell ko ratlo panjestar efta kope ap koleste, kai pale-tchiddo his, te well lo erligo. Un mukell ko djido tchirkles krik te djal.

3. Mose 16:21

un tchiwell peskre dui wasta ap lakro shero, un penell haki doosh un hako tchilatchepen, hoi i Israelitarja kran. Jaake tchiwell lo kowa lauter ap i busjakro shero. Palle mukell lo lat i murshestar, kai koleske koi tardo hi, krik te tradell an o mulo tato them.

3. Mose 16:23

Pal kowa djal o Aron an o Debleskro plachteno kheer un riwell kol laintikre koola win, hoi job ap peste riwas, har djas lo an o kheer dren. Un kote tchiwell lo len pale tele.

Micha 7:19

Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.