3. Mose 16:2 - O Debleskro Drom 2021 (Sinte)

² Pen tiro phraleske, o Aroneske, te djal lo gar hako tsireske an o kutch isema an o Debleskro kheer, te merell lo gar. An koi isema, hoi pal ko kotar than hi, sikrau me man an i wolka pral ko sonakaskro pralstuno kotar, hoi ap o mochton tchiddo hi, kai mire deesh laba dren hi.

O Debleskro Lab 2024 (Sinte-Manouche)

² Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

3. Mose 16:2 ပူးပေါင်းရင်းမြစ်များ

1. Rajengro liil 6:16

Un deesh metarja glan i palstuni massuri kras job i wawar massuri dran zedertikre kashta. Kai massuri djas fun tel bis pral. Jaake kras lo an o kheer i kutch isema o baro Debleske, hoi leske kokres his.

1. Rajengro liil 8:6

Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

2. Familjakro liil 5:14

An koi wolka his o Debleskro railepen. O tselo kheer his pherdo o railepen o baro Deblestar. Doleske nai atchan i rashaja gar koi, te krenn le pengri budi.

2. Mose 30:10

Jek kopo an o bersh lell o Aron o rat o bakrestar, hoi maredo was, te lell lo i doosh krik, un djal pash o Debleskro sonakaskro bob un makell ko rat ap i shinga, hoi pral ap o bob hi. Kowa krell lo, te well i doosh krik lino, hoi ap o bob hi. Ninna pash tumare tchawende un kolende, kai pal lende wenna, well kowa hako bersh jek kopo jaake kerdo. O sonakaskro bob hi o baro Debleske kokres.

3. Mose 16:13

Kote tchiwell lo ko sungepaskro koowa ap i jag, te djal i jagakro ducho win un tchakrell ko pralstuno kotar ap ko mochton, kai o Debleskre deesh laba dren hi. Kowa hunte krell lo doleske, te merell lo gar.

3. Mose 16:34

Jek kopo an o bersh hunte well kowa jaake kerdo, te well i tseli doosh un o tselo pale-tchiddo koowa i Israelendar krik lino. Ap kau lab hunte rikrenn tumen hako tsireske. Un o Aron kras halauter jaake, har o baro Dewel kowa o Moseske penas.

3. Mose 23:27

O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 8:35

Efta diwessa un ratsja hunte atchenn tumer glan o wudar o baro Debleskro plachteno kherestar. Krenn, hoi job penas, te merenn gar! Jaake penas lo kowa mange.

4. Mose 17:10

“Djan win kol menshendar. Me kamau len ap jek kopo te marell.” Un kol dui witsran pen ap pengro mui.

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 4:19

un merenna gar ap ko tsiro, kai djan jon pash o Debleskro koowa! Doleske krenn jaake: O Aron un leskre tchawe djan glan lende an o Debleskro kheer dren un sikrenn hakeneste, hoi job hunte hidjrella.

4. Mose 4:5

Ap ko tsiro, kai stenn i Israelitarja pre, te djan le dureder, djal o Aron peskre tchawentsa an o Debleskro kheer, un jon lenn ko kutch kotar than tele, hoi an o wudar glan o kutch isema hi. Ko kotar than tchiwenn le trul o sonakaskro mochton, kai o Debleskre deesh laba dren hi.

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.

Hebrearja 6:19

Kau patsepen rikrell maro djipen, jaake har rikrell i sorelo saster i shiffo, te djal lo gar ap o pani nashedo. Un kowa, ap koleste patsah un dikah, kowa hi o Jesus. Job djas glan mende pash o Debleste an o bolepen, jaake har djas o baro rashai an o phuro tsiro an o Debleskro kheer. Un jaake was o Jesus hako tsireske sawo baro rashai, har glan i rah tsiro o Melchisedek his.

Hebrearja 9:25

O menshengro baro rashai djal hako bersh o viechengro rateha an o Debleskro kutch isema. O Jesus Kristo meras jek kopo, un anas peskro rat jek kopo glan o Debleste, un gar bud kope.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

Debleskro tsiro 15:8

Un o Debleskro kheer his pherdo tampa, hoi was dran o Debleskro railepen un soor. Un kek nai djas kote an o Debleskro kheer dren, bis te anan kol efta bolepangre efta kope i bari phagi pral i phub.