3. Mose 16:18 - O Debleskro Drom 2021 (Sinte)

¹⁸ Palle djal job win pash koi chatchepaskri, hoi glan o baro Debleskro plachteno kheer tardo hi, un lell tchomone ko gurumeskro ratestar un koi busjakro ratestar, un makell kowa ap i shinga, hoi ap i star ekke ap koi chatchepaskri hi, te well koi doosh un ko pale-tchiddo koowa krik lino fun koi chatchepaskri.

O Debleskro Lab 2024 (Sinte-Manouche)

¹⁸ Palle djal yob vin pash koy rhačepaskri, hoy glan o baro Debleskro plarhteno kheer tardo hi, oun lell čomone ko gouroumeskro ratestar oun koy bouzyakro ratestar, oun makell kova ap i shinga, hoy ap i star ekke ap koy rhačepaskri hi, te vell koy doosh oun ko pale-čiddo koova krik lino foun koy rhačepaskri.

3. Mose 16:18 ပူးပေါင်းရင်းမြစ်များ

2. Mose 30:10

Jek kopo an o bersh lell o Aron o rat o bakrestar, hoi maredo was, te lell lo i doosh krik, un djal pash o Debleskro sonakaskro bob un makell ko rat ap i shinga, hoi pral ap o bob hi. Kowa krell lo, te well i doosh krik lino, hoi ap o bob hi. Ninna pash tumare tchawende un kolende, kai pal lende wenna, well kowa hako bersh jek kopo jaake kerdo. O sonakaskro bob hi o baro Debleske kokres.

Ezekiel 43:20

Un tu less leskro rat, un makess tchomone ap kol star shinga, un pral ap kol star ekke, un ap koi tikni massuri, hoi trujel djal. Jaake leh koi tseli doosh un o pale-tchiddo koowa krik, hoi ap i chatchepaskri hi.

Ezekiel 43:22

Un ap o duito diwes aness tu i sasti mursh busni, te well li maredo i doshake. Tu kress lah jaake, har kowa kerdo was o gurumeha ninna, te well ko rateha i doosh un o pale-tchiddo koowa krik lino fun i chatchepaskri.

Ezekiel 45:19

Un o rashai lell ko rat ko viechestar, un makell les ap i pesse kashta, hoi hi tchatches un serwes o wudarestar an o Debleskro kheer, un ap i star ekke fun i chatchepaskri, un ap i pesse kashta tchatches un serwes o wudarestar glan i tikni glanstuni platsa.

3. Mose 16:16

Un jaake krell lo, te well o pale-tchiddo koowa un koi doosh, hoi i Israelitarja ap pende anan – lengro tselo tchilatcho koowa, dran o Debleskri kutch isema krik lino. Un jaake hunte krell lo ko tselo Debleskro plachteno khereha. Kau kheer hi tardo ap i platsa, kai i Israelitarja djiwenn. Un koi doosh, hoi jon ap pende anenn un lengro pale-tchiddo koowa krell ninna o Debleskro kheer pale-tchiddo.

3. Mose 16:17

Kek mensho hunte well an o Debleskro kheer an ko tselo tsiro, kai djal o Aron an o kutch isema dren, un krell te well o pale-tchiddo koowa un koi doosh krik lino lestar, leskri familjatar un i tsele Israelendar.

3. Mose 4:18

Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo glan o baro Debleste an leskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

3. Mose 4:25

Un o rashai lell peskro gushteha ko ratestar un makell les ap i shinga, hoi ap i star ekke pral ap koi chatchepaskri hi, kai i vieche chatchedo wenna. O tselo wawar rat tchorell lo win tella pash i chatchepaskri.

3. Mose 4:7

Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo an o Debleskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

4. Mose 28:22

Koi pashel i mursh busni, te well tumari doosh krik lino un lauter pale mishto, hoi mank tumende un o Debleste tardo his.

Johanni 17:19

Me dau tut miro tselo djipen. Kowa krau lenge, te wenn jon ninna tire an o tchatchepen.

Hebrearja 2:11

O Jesus kras i patslen tchatcho un erligo, un anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.