3. Mose 16:17 - O Debleskro Drom 2021 (Sinte)

¹⁷ Kek mensho hunte well an o Debleskro kheer an ko tselo tsiro, kai djal o Aron an o kutch isema dren, un krell te well o pale-tchiddo koowa un koi doosh krik lino lestar, leskri familjatar un i tsele Israelendar.

O Debleskro Lab 2024 (Sinte-Manouche)

¹⁷ Kek mensho hounte vell an o Debleskro kheer an ko tselo tsiro, kay djal o Aron an o kouč isema dren, oun krell te vell o pale-čiddo koova oun koy doosh krik lino lestar, leskri familyatar oun i tsele Israelendar.

3. Mose 16:17 ပူးပေါင်းရင်းမြစ်များ

1. Familjakro liil 6:34

O rashajeskri budi his kokres o Aroneske un leskre tchawenge. Jon chatchran i viechen ap o Debleskri sasterni chatchepaskri, ninna sungepaskro koowa ap o Debleskro sonakaskro bob. Jon kokres nai djan an o Debleskri kutch isema, te krenn le o Debleskro koowa, te well o Israeleskri doosh krik lino, lauter jaake, har penas o Mose, koles o Debleskro wast his.

2. Mose 34:3

Kek nai well tuha. Ap koi tseli berga hunte mukell pes kek te dikell, witar kek bakre un grumja, te chan le pash i berga.”

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

3. Mose 16:16

Un jaake krell lo, te well o pale-tchiddo koowa un koi doosh, hoi i Israelitarja ap pende anan – lengro tselo tchilatcho koowa, dran o Debleskri kutch isema krik lino. Un jaake hunte krell lo ko tselo Debleskro plachteno khereha. Kau kheer hi tardo ap i platsa, kai i Israelitarja djiwenn. Un koi doosh, hoi jon ap pende anenn un lengro pale-tchiddo koowa krell ninna o Debleskro kheer pale-tchiddo.

3. Mose 16:18

Palle djal job win pash koi chatchepaskri, hoi glan o baro Debleskro plachteno kheer tardo hi, un lell tchomone ko gurumeskro ratestar un koi busjakro ratestar, un makell kowa ap i shinga, hoi ap i star ekke ap koi chatchepaskri hi, te well koi doosh un ko pale-tchiddo koowa krik lino fun koi chatchepaskri.

Louka 1:10

Un ap ko tsiro, har chatchras job ko kasht, hoi shukar sungella, his bud menshe win tardo, un mangan o Debles an.

Bičepangre 4:12

Kek wawar har o Jesus kokres nai anell men pash o Debleste. Ap i tseli phub das o Dewel kek wawares, kai nai lell men dran o tchilatchepen un o merepen win.”

1. Timoteo 2:5

Hi jek Dewel i tsele menshenge. Un hi jek rakepaskro, kai anell o Debles un i menshen khetne. Kowa hi ko mensho Jesus Kristo.

Hebrearja 1:3

O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

Hebrearja 9:7

Jek kopo an o bersh djas o baro rashai kokres an i palstuni kutch isema. Har djal lo dren, lell lo o rat peha i viechestar, hoi maras lo o Debleske, te lell o Dewel leskri doosh lestar, ninna i doosh kol menshendar, kai anan doosh ap pende, ninna te djinan le gar, kai kowa, hoi jon kran, i tchilatcho koowa his.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.