3. Mose 15:5 - O Debleskro Drom 2021 (Sinte)

⁵ Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

O Debleskro Lab 2024 (Sinte-Manouche)

⁵ Koon koleskro čiben an-tapras, hounte thovell pes oun peskre koola, oun hi pale-čiddo bis te vell rati.

3. Mose 15:5 ပူးပေါင်းရင်းမြစ်များ

Debleskri gili 26:6

Me thowau mire wasta, te sikrap, kai hi kek doosh ap mande, un djau kote, kai wenn vieche tuke chatchedo,

Debleskri gili 51:2

har o Debleskro rakepaskro Natan pash leste was, pal kowa o David i wawareskri romjat, i Batsheba, las.

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

Jesaja 1:16

Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

Jesaja 22:14

Ap mande penas o baro Dewel, ko rai pral o bolepen un i phub: “Kaja doosh well lendar gar krik lino jaake rah har djiwenn le.”

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Ezekiel 36:29

Un me lau tumen win dran ko tselo koowa, hoi kras tumen pale-tchiddo. Un o djob mukau pale bares un bud te well, un mukau buder kek bok pral tumende te well.

3. Mose 11:24

Kalla hi kol vieche, kai hunte taprenn len gar an, te hi le mule: Hakeno, kai taprell sawo mulo viecho an, kowa hi pale-tchiddo bis te well rati.

3. Mose 11:25

Koon sau mulo vieches hidjrell, hunte thowell peskre koola, un well pale-tchiddo, bis te well rati.

3. Mose 11:28

Kowa, kai sau mulo viecho hidjrell, hunte thowell peskre koola, un well pale-tchiddo, bis te well rati. Kal mule vieche hi tumenge pale-tchiddo.

3. Mose 11:32

Halauter, ap kowa sau mulo viecho perell, well pale-tchiddo: hako kashteno koowa, ninna ripja, fella un gone, ninna hako kowa, koleha jek i budi krell. Kowa lauter hunte well an o pani tchiddo, un atchell pale-tchiddo, bis te well rati. Pal kowa hi ko koowa buder gar pale-tchiddo.

3. Mose 13:34

Te dikell o rashai ap o eftato diwes palla, un ko dukepen was gar bareder, un hi gar dureder tele an o mass har i wawar hauta, palle hunte rakrell o rashai win, te hi ko mensho erligo. Ko mensho hunte thowell peskre koola un hi erligo.

3. Mose 13:6

Pal kol efta diwessa dikell o rashai pale koi kotar hauta an. Te hi kowa buder gar jaake parno un was gar bareder, palle hunte rakrell lo win, te hi ko mensho erligo. Kawa hi i nasslepen ap i hauta, hoi gar djungelo hi. Ko mensho hunte thowell peskre koola un hi erligo.

3. Mose 14:27

Palle tchiwell lo peskro tchatcho gushto an ko djet, hoi an leskro serwo wast hi, un witsrell ko djetestar efta kope ap o Debleskri chatchepaskri.

3. Mose 15:18

Te sowell i mursh i djuwjah, un leske djal jek tele, hunte thowenn pen kol dui, un hi pale-tchiddo, bis te well rati.

3. Mose 15:4

Hako tchiben, ap koleste job tchiddo hi, un haki beshepaskri, ap kolate job beshdo hi, hi pale-tchiddo.

3. Mose 15:6

Koon beshas pes ap tchomone, kai ko nasselo beshdo his, kowa hunte thowell pes un peskre koola, un hi pale-tchiddo, bis te well rati.

3. Mose 16:26

Ko mursh, kai tradas koi mursh busni an o mulo diwjo them, hunte thowell pes un peskre koola, glan te nai djal lo pale ap i platsa, kai i menshe djiwenn.

3. Mose 16:28

Ko mursh, kai kowa lauter chatchras, kowa hunte thowell pes un peskre koola. Pal kowa nai well lo pale ap i platsa, kai i menshe djiwenn.

3. Mose 17:15

Hakeno, kai chal i viecho, hoi meras oder mulo dandedo was, kowa hunte thowell pes un peskre koola, un atchell pale-tchiddo, bis te well rati. Koi pal hi lo pale erligo. Hi jek, te hi kowa i Israelitari oder i wi-themari.

4. Mose 19:10

Un ko mursh, kai koi jagakri tchik koi grumjatar khetne las, hunte thowell peskre koola, un atchell pale-tchiddo bis ap i rati. Kowa, hoi kanna penau, atchell jaake tumenge, i Israelitarja, un ninna i wawar menshenge, kai mank tumende djiwenna, hako tsireske:

4. Mose 19:22

Un halauter, hoi ko pale-tchiddo an-tapella, well pale-tchiddo. Un koon koles an-tapella, kai pale-tchiddo hi, hunte well pale-tchiddo bis ap i rati.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”

1. Samuel 20:26

O Saul penas ap ko diwes tchi. An peskro shero penas lo peske: Nai was leske tchomone, hoi kras les pale-tchiddo jek diweske. Doleske hi lo gar kai.