3. Mose 15:31 - O Debleskro Drom 2021 (Sinte)

³¹ Un o baro Dewel penas ap o Mose un ap o Aron: Denn i Israelitarjen trad, te atchenn le i kotar dur miro kherestar an ko tsiro, kai hi le pale-tchiddo, te krenn le gar koi platsa pale-tchiddo, kai me djiwau mank lende, te merenn le gar.

O Debleskro Lab 2024 (Sinte-Manouche)

³¹ Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

3. Mose 15:31 ပူးပေါင်းရင်းမြစ်များ

Debleskri gili 66:18

Job shunas miri gole, un das jak ap kowa, hoi lestar mangom. Te wals man tchilatchepen glan an miro dji, shunals man o Dewel, miro rai, gar.

Ezekiel 23:38

Un kawa hi gar lauter, hoi le kran: Ap ko emligo diwes, har maran le pengre tchawen o chochene deblenge, wan le an miro kheer, un jaake kran le miro kheer pale-tchiddo. Un kol diwessa, kai mange hi, rikran le buder gar dren. Awa, sawo koowa hi, hoi kran le an miro kheer!

Ezekiel 36:17

Tu, mensho, har o kheer Israel an peskro them djiwas, kran le sawo koowa, un djiwan jaake, te was o them pale-tchiddo. Lengro djungelo djipen his mange har ko pale-tchiddo tsiro i djuwjatar, kolat pengro koowa hi.

Ezekiel 44:23

I rashaja hunte sikrenn mire menshende, hoi mange, o Debleske hi, un kowa, hoi i menshenge hi. Un jon hunte djinenn, hoi pale-tchiddo glan mande hi, un hoi gar pale-tchiddo glan mande hi.

Ezekiel 5:11

Tumer kran miro kheer pale-tchiddo kol chochene deblentsa un djungelo koweha, hoi kote kran, penau me, o baro Dewel, tumaro rai. Doleske dau man sowel, me o djido Dewel, te dap tumen paash. Tumer khaitenn man buder gar un me krau miro dji buder gar tumenge pre.

Daniel 9:27

Un job krell pes budentsa khetne efta bershenge. Pal triin-te-paash bersha krell lo, te well o Debleske buder kek viecho anlo, witar kek chapen. Un i djungeli tchilatchi figura well pre-tchiddo an o Debleskro kheer un atchell koi, bis te well i phagi pral koleste, kai tchiwas les koi, – i phagi, hoi o Dewel leske glan dikas.

3. Mose 11:47

Jaake nai djinenn tumer, hoi pale-tchiddo hi un hoi gar pale-tchiddo hi, un hawo viecho nai chan tumer, un hawo viecho nai chan tumer gar.

3. Mose 13:59

Jaake hunte well kerdo, te sikrell pes i djungelo kotar ap i ripen oder ap koola, hoi hi dran bakrengre balla, laina oder ledera, te well siklo, hi le pale-tchiddo oder gar.

3. Mose 15:32

Pal kal laba hunte well kerdo i mursheha, dran koleskro mass tchomone win nashell, un koleske jek tele djal, jaake te was lo pale-tchiddo.

3. Mose 19:30

Rikrenn mire Debleskre diwessa dren, un anenn kek ladj ap miro kheer. Me hom o baro Dewel.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 21:23

Pash ko wudar dran than, hoi glan koi kutch isema hi, nai djal lo gar, witar gar pash o Debleskri chatchepaskri, te krell lo o Debleskro kheer gar pale-tchiddo. Me hom o baro Dewel, un rodom kau kheer win, te hi lo mange.

4. Mose 19:13

Te taprell jek i mulo menshes an un kamell pes gar jaake te thowell, palle krell lo o Debleskro kheer pale-tchiddo. Un sawo mensho hunte well infam kerdo un nai djiwell buder gar mank i Israelitarja. Ko pani, hoi lell o pale-tchiddo koowa krik, was gar ap leste witsedo. Doleske atchell lo pale-tchiddo, un ko pale-tchiddo koowa atchell ap leste.

4. Mose 19:20

Koon was pale-tchiddo un kamell gar, te well lo thodo ko panjeha, kowa hunte well infam kerdo un nai djiwell buder gar mank i Israelitarja. Job kras o baro Debleskro kheer pale-tchiddo, un ko pani, hoi lell o pale-tchiddo koowa krik, was gar ap leste witsedo. Doleske atchell lo pale-tchiddo.

4. Mose 5:3

Murshen un djuwjen hunte bitchrenn win glan koi platsa, kai tumare plachtene khera tardo hi, te krenn jon gar koi platsa pale-tchiddo, kai me pash tumende djiwau.”

1. Korintarja 3:17

Koon o Debleskro kheer paash krella, koles phagella o Dewel. O Debleskro kheer hi o Debleske. Un kau kheer han tumer.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

1. Samuel 3:14

Me dom man sowel glan leste, te nai lell tchi koi doosh krik, hoi leskri familja ap peste anas. Kek viecho, witar kek chapen dran jarro, hoi jon mange anenn, nai lell koi doosh krik.”