3. Mose 15:18 - O Debleskro Drom 2021 (Sinte)

¹⁸ Te sowell i mursh i djuwjah, un leske djal jek tele, hunte thowenn pen kol dui, un hi pale-tchiddo, bis te well rati.

O Debleskro Lab 2024 (Sinte-Manouche)

¹⁸ Te sovell i morsh i djouvyah, oun leske djal yek tele, hounte thovenn pen kol douy, oun hi pale-čiddo, bis te vell rati.

3. Mose 15:18 ပူးပေါင်းရင်းမြစ်များ

2. Samuel 11:4

Un o David bitchras murshen koi, un mukas lat te lell. Un har joi pash leste was, sowas job pash late. Un palle djas li pale an peskro kheer. [Glan kowa, kai joi pash leste was, kras li kowa, hoi kol djuwjenge an Israel glan tchinlo his, te krenn le pal pengri djuwjengro koowa.]

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

2. Mose 19:15

Un job penas: “Rikrenn tumen djudjo o triinto diweske! Un kek mursh taprell an kau tsiro peskri romjat an!”

3. Mose 15:16

Te djal i mursheske jek tele, palle thowell lo peskro tselo kerpro tele, un job well pale-tchiddo, bis te well rati.

3. Mose 15:17

Leskro tselo an-ripen un haki ledertikro kotar, ap koleste kowa was, hunte well tele thodo un well pale-tchiddo bis te well rati.

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

1. Korintarja 6:12

Tumer penenn: “Mer nai krah halauter.” Me penau: Gar lauter, hoi tumer krenna, hi tumenge mishto. Ninna te nai krau lauter, hunte wap me gar pandlo ap kowa, hoi krau.

1. Korintarja 6:18

Doleske penau tumenge: Ma lubrenn trujel! Te kreh tu sawo koowa, tchineh tu tuke kokres an o mass. Hako wawar tchilatchepen kreh tu ap i wawarende. Te lubreh trujel, kreh tu o tchilatchepen ap tute.

2. Timoteo 2:22

Tu, Timoteo, ma kre ko tchilatcho koowa, hoi i terne murshenge an o shero trujel djala! Kre lauter, te djiwess an o tchatchepen! Atch an o patsepen! Ab kamlo ap i wawarende! Djib latches lentsa khetne! Kre kowa lauter khetne kol phralentsa, kai o Debles an-gole denna i djudjo djijeha!

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!