3. Mose 15:13 - O Debleskro Drom 2021 (Sinte)

¹³ Te well ko nasselo pale sasto, ginell lo peske efta diwessa tele. Palle thowell lo peskre koola un thowell pes djudjo panjeha tele; palle hi lo pale erligo.

O Debleskro Lab 2024 (Sinte-Manouche)

¹³ Te vell ko nasselo pale sasto, ginell lo peske efta divessa tele. Palle thovell lo peskre koola oun thovell pes djoudjo panyeha tele; palle hi lo pale erligo.

3. Mose 15:13 ပူးပေါင်းရင်းမြစ်များ

2. Mose 29:35

Jaake kress tu o Aroneha un leskre tchawentsa lauter, hoi me tuke penom. Efta diwessa kress tu jaake, te wenn le rashaja.

2. Mose 29:37

Efta diwessa kress tu kawa hako diwes, te well i doosh ap o Debleskri chatchepaskri krik lino. Ninna makess tu koi chatchepaskri o djeteha dren, te well li o Debleske kokres un kek wawareske. Un hakeno, koon taprell lat an, kowa hi o Debleskro.

Jeremia 33:8

Un me lau ko tselo tchilatcho koowa krik, hoi le ap mande kran, un djungelo koowa, koleha jon man dukran un choiran.

3. Mose 14:10

Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 14:8

Kowa, kai sasto was, thowell peskre koola un tchinell peskre tsele balla tele, un thowell pes. Palle hi lo erligo, un nai well pale ap i platsa, kai i menshe djiwenn. Efta diwessa atchell lo win glan peskro plachteno kheer.

3. Mose 15:28

Te was li pale sasto un ratell buder gar, ginell li peske efta diwessa tele, pal kolende hi li pale erligo.

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

3. Mose 8:33

Atchenn efta diwessa glan o wudar o baro Debleskro kherestar! Djan gar kotar krik, bis te kol diwessa trujel hi, kai i vieche maredo un chatchedo wenn doleske, kai wenn tumer dren tchiddo an tumari budi.

3. Mose 9:1

Har o ochtato diwes was, kharas o Mose o Arones un leskre mursh tchawen un i phureder dran Israel pash peste,

4. Mose 12:14

O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.