3. Mose 14:8 - O Debleskro Drom 2021 (Sinte)

⁸ Kowa, kai sasto was, thowell peskre koola un tchinell peskre tsele balla tele, un thowell pes. Palle hi lo erligo, un nai well pale ap i platsa, kai i menshe djiwenn. Efta diwessa atchell lo win glan peskro plachteno kheer.

O Debleskro Lab 2024 (Sinte-Manouche)

⁸ Kova, kay sasto vas, thovell peskre koola oun činell peskre tsele balla tele, oun thovell pes. Palle hi lo erligo, oun nay vell pale ap i platsa, kay i menshe djivenn. Efta divessa ačell lo vin glan peskro plarhteno kheer.

3. Mose 14:8 ပူးပေါင်းရင်းမြစ်များ

2. Familjakro liil 26:21

Un o baro rai Usija atchas nasselo ap peskro mass bis te meras lo, un hunte djiwas an i pale-tchiddo kheer, un nai djas buder gar an o baro Debleskro kheer. O Jotam, leskro tchawo, was o pralstuno pral leskro kheer un rakras o tchatchepen win pral i menshende an o them.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:14

Koi djas o Mose i berga tele un penas i menshenge, te krenn le pen djudjo o Debleske. Un hakeno thowas peskre koola.

3. Mose 11:25

Koon sau mulo vieches hidjrell, hunte thowell peskre koola, un well pale-tchiddo, bis te well rati.

3. Mose 14:20

un chatchrell kowa ap o Debleskri chatchepaskri khetne ko chapen dran jarro hoi glan o baro Debleste anlo was. Un jaake krell lo, te well kowa, kai sasto was, pale erligo.

3. Mose 14:9

Pal kol efta diwessa tchinell lo i duito kopo i tsele balla ap o shero tele, ninna leskri tchora un kol balla pral i jaka un leskre tsele wawar balla, un thowell pes un peskre koola Palle hi lo erligo.

3. Mose 15:13

Te well ko nasselo pale sasto, ginell lo peske efta diwessa tele. Palle thowell lo peskre koola un thowell pes djudjo panjeha tele; palle hi lo pale erligo.

3. Mose 8:6

Un job mukas o Arones un leskre mursh tchawe glan te well, un thowas len o panjeha.

4. Mose 6:9

Te his job pashel, har meras jek ap jek kopo, wenn leskre balla pale-tchiddo shob diwessa. Ap o eftato diwes hunte tchinell job peskro bal ap o shero, un job well pale erligo.

4. Mose 8:7

Jaake hunte kress tu lentsa, te kreh tu len erligo: Tu tchiwess pani ap lende, te well lengri doosh krik lino. Un jon hunte tchinenn halauter pengre balla tele, un thowenn pengre koola, un krenn pen jaake djudjo un erligo.

5. Mose 21:12

palle nai anell lo lat an peskro kheer. Kote hunte tchinell li peskre shereskre bal un peskre naja.

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”