3. Mose 14:7 - O Debleskro Drom 2021 (Sinte)

⁷ un witsrell ko ratlo panjestar efta kope ap koleste, kai pale-tchiddo his, te well lo erligo. Un mukell ko djido tchirkles krik te djal.

O Debleskro Lab 2024 (Sinte-Manouche)

⁷ oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

3. Mose 14:7 ပူးပေါင်းရင်းမြစ်များ

2. Rajengro liil 5:10

Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

Debleskri gili 51:2

har o Debleskro rakepaskro Natan pash leste was, pal kowa o David i wawareskri romjat, i Batsheba, las.

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

Jesaja 52:15

Un kanna dikenn bud menshe dran wawar themma bare jakentsa ap leste, un lengre rajenge atchell o rakepen krik. Kowa, hoi lenge gar dren ginlo was, dikenn le kanna. Un kolestar jon tchi shunan, kowa dikenn le un haiwenn les.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

3. Mose 13:17

Te dikell o rashai, te was ko lolo mass parno, hi ko mensho buder gar pale-tchiddo. Un o rashai hunte rakrell win, te hi lo erligo.

3. Mose 14:51

Palle tchiwell lo o djido tchirkles an ko tcharo, kai pani un o rat o maredo tchirklestar dren hi. Khetne leha tchiwell lo ko zedertikro kasht, kol lole thaba un kol patria Ysop koi dren, an ko tcharo, un witsrell ko ratlo panjestar efta kope ap ko kheer,

3. Mose 16:14

Un job lell ko ratestar ko gurumestar, un witsrell kowa peskro gushteha glan ap o pralstuno kotar. Un ap koi platsa glan o mochton witsrell lo peskro gushteha efta kope tchomone ko ratestar.

3. Mose 16:19

Un job tchiwell peskro gushto an o rat, un witsrell tchomone ko ratestar ap i chatchepaskri. Kowa krell lo efta kope, te well i Israelengri doosh un lengro pale-tchiddo koowa krik lino, hoi ap i chatchepaskri hi. Un i chatchepaskri well pale djudjo glan o baro Debleskre jaka.

3. Mose 16:22

Kai mursh busni hidjrell lengri tseli doosh peha an o diwjo mulo them. Un kote atchell li.

3. Mose 4:17

Job tchiwell peskro gushto an ko rat, un witsrell efta kope ko ratestar glan o laintikro kotar than, hoi hi glan o Debleskri kutch isema, kai o baro Dewel djiwell.

3. Mose 4:6

Job tchiwell peskro gushto an ko rat, un witsrell efta kope ko ratestar glan o laintikro kotar than, hoi hi glan o Debleskri kutch isema.

3. Mose 8:11

Efta kope witsras lo ko djetestar tchomone ap i chatchepaskri un kol tsele koola, kolentsa budrenn le, ninna ap o panjeskro tcharo un ap kol herja koi tel, te well kowa lauter o baro Debleske.

Micha 7:19

Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

4. Mose 19:12

Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.

Johanni 19:34

Jek kol lurdendar das les peskro chareha an i rig tchurje. Koi was pani un rat win.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Hebrearja 9:13

An o phuro tsiro tchoras o rashai o bakrengro rat, un o grumjengro rat, un o jagakri tchik i chatchedi grumjatar ap kolende, kai hi pale-tchiddo glan o Debleste, te wenn le pale erligo kerdo. Te hi o viecheskro rat jaake sorelo,

Hebrearja 9:19

Kowa lauter djas jaake: O Mose penas i menshenge kol laba, hoi an ko liil tardo hi, kai tchinlo hi, har te djiwenn le. Palle las lo i grumjengro rat un i bakrengro rat, das pani pashel, un las i kasht, hoi kharella Ysop, pandas lole bakrengre balla pral pre, un tchiwas ko kasht i ballentsa an o rat, un tchoras ko rat ap ko liil un ap kol menshende,

Hebrearja 9:21

Un ap o Debleskro tikno kheer tchoras lo ninna o rat, ninna ap i tsele tchare un khore, kai kote dren hi.

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

1. Johanni 5:6

O Jesus Kristo was pash mende. Job was taufedo an o pani un meras ap o trushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kai job o Debleskro tchawo hi. Un o Debleskro Ducho penell menge kowa ninna. Un o Debleskro Ducho penell o tchatchepen.