3. Mose 14:54 - O Debleskro Drom 2021 (Sinte)

⁵⁴ Pal kal laba hunte well kerdo, te hi jekes i nasslepen ap peskri hauta, djungelo oder gar djungelo,

O Debleskro Lab 2024 (Sinte-Manouche)

⁵⁴ Pal kal laba hounte vell kerdo, te hi yekes i nasslepen ap peskri hauta, djoungelo oder gar djoungelo,

3. Mose 14:54 ပူးပေါင်းရင်းမြစ်များ

3. Mose 11:46

Kawa hi hoi glan tchinlo hi pral i viechende un pral i tchirklende un pral halauter, hoi djiwell an o pani, un pral kol viechende, kai djan ap o per oder ap tikne herja pral i phub.

3. Mose 13:3

Un ko rashai hunte dikell peske koi nasseli kotar hauta an. Te wan i balla kote parno, un koi nasseli kotar hauta hi dureder tele an o mass har koi wawar hauta trujel, palle hi kowa i djungelo nasslepen. Kowa te dikell o rashai ap koleste, palle hunte rakrell lo win, te hi ko mensho pale-tchiddo.

3. Mose 14:2

Jaake hunte krenn tumer jekeha, kai les i djungelo nasslepen ap peskri hauta his, un pale sasto was, te well lo pale erligo. Job well glan o rashajeste anlo.

3. Mose 14:32

Jaake hunte well kerdo koleha, kai i djungelo nasslepen ap peskri hauta his, un kowa gar jaake brawelo hi, te nai anell lo triin bakre, te well lo pale erligo kerdo.

3. Mose 14:53

Palle mukell lo ko djido tchirkles win te djal dran o foro. Jaake lell lo ko pale-tchiddo koowa ko kherestar krik. Un i menshe nai djiwenn pale an o kheer.

3. Mose 15:32

Pal kal laba hunte well kerdo i mursheha, dran koleskro mass tchomone win nashell, un koleske jek tele djal, jaake te was lo pale-tchiddo.

3. Mose 6:14

An o sasterno tcharo well o jarro khetne kerdo o djeteha, palle peklo, an kotja phagedo un o baro Debleske chatchedo. Un ko latcho sungepen, hoi well win, sungell mishto o baro Debleske.

3. Mose 6:9

Ko jarro un ko djet, hoi pral atchell, kowa hi o Aroneske un leskre mursh tchawenge. Te krenn le pengro maro kolestar, hunte tchiwenn le kek shutlo jarro dren. Ap koi platsa glan o Debleskro plachteno kheer hunte chan le les. Kaja hi i Debleskri platsa. Kau chapen dell o baro Dewel lenge kolestar, hoi i menshe leske anan. Kowa hi i Debleskro chapen. Doleske nai chan les kokres i rashaja, jaake har ninna ko mass kol viechendar, hoi wenn maredo, te well i doosh un o pale-tchiddo koowa krik lino, un o mass kol viechendar, hoi wenn maredo, te well i doosh pale mishto.

3. Mose 7:1

Jaake hunte well kerdo ko viecheha, hoi i menshe anenn, te well lengri doosh pale mishto kerdo. O mass sau viechestar nai chan kokres i rashaja un kek wawar.

3. Mose 7:37

Kawa hi hoi glan tchinlo was: pral ko viecho, koleskro tselo mass chatchedo well; pral o chapen dran djob, hoi o Debleske anlo well; pral ko viecho, hoi maredo well, te well i doosh un o pale-tchiddo koowa krik lino; pral ko viecho, hoi maredo well, te well o mensheskri doosh pale mishto kerdo; pral ko viecho, hoi maredo well ap ko diwes, kai well o rashai an peskri budi dren tchiddo; pral ko viecho, hoi chan le khetne, koleskre feteder kotja o Debleske chatchedo wan.

4. Mose 19:14

Kowa hi hoi mer hunte kras: Te merell i mensho an peskro plachteno kheer, hunte well hakeno, koon an ko kheer djala, un koon an ko kheer hi, efta diwessa pale-tchiddo.

4. Mose 5:29

Jaake hunte krenn tumer kowa, te silwerell i mursh un patsell, te chochras les peskri romni i wawareha. Job hunte anell lat glan o baro Debleste. Un ko rashai hunte krell lah kowa jaake har kate penlo hi.

4. Mose 6:13

Kowa hi ko lab, hoi penell koleske, kai hi i tsireske o Debleske koi, hoi te krell lo: Te hi ko tsiro trujel, kai das job pes sowel, hunte well lo pash o wudar glan o Debleskro plachteno kheer anlo.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.