3. Mose 14:40 - O Debleskro Drom 2021 (Sinte)

⁴⁰ palle penell o rashai, te wenn kal barra wi-phagedo, kai ko djunglepen pre hi, un wenn win witsedo glan o foro ap i pale-tchiddi platsa.

O Debleskro Lab 2024 (Sinte-Manouche)

⁴⁰ palle penell o rashay, te venn kal barra vi-phagedo, kay ko djounglepen pre hi, oun venn vin vitsedo glan o foro ap i pale-čiddi platsa.

3. Mose 14:40 ပူးပေါင်းရင်းမြစ်များ

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Gosewe laba 22:10

Trade ko pre-phurdes win, kai sal pral halauter. Palle djal o tchingepen leha. Un kol tchilatche laba un o praassepen djan ninna krik.

3. Mose 14:39

Pal efta diwessa well lo pale an ko kheer, un dikell peske kol djungele kotja pale an. Te was ko djunglepen bareder ap i barra ko kherestar,

3. Mose 14:41

Un ko tchik, hoi dren an o kheer ap i barra maklo was, hunte well tele lino un well wi-tchoredo win glan o foro ap i pale-tchiddi platsa.

3. Mose 6:11

Kokres kol mursh tchawe, kai wenn o Aronestar, nai chan kolestar. Kowa hi hako tsireske lengro kotar kolestar, hoi i menshe o baro Debleske anenna. Hako wawar, kai taprell kowa an, lell peskri phagi.

Mateo 18:17

Te shunell lo kau kopo witar gar ap tumende, palle pen les i patslenge an i kangri. Un te shunell lo gar ap kolende, palle well lo tumenge har i mursh, kai prindjrell o Debles gar un har i pale-tchiddo.

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Tito 3:10

Te dell jek mensho, kai anell tchingepen mashkral i patslende, pen koleske, te mukell lo kowa! Job te mukell gar tele, pen kowa leske i duito kopo! Job te shunell gar ap tute, palle rake buder gar leha!

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.

Debleskro tsiro 2:6

Kate hi tchomone, hoi tumer krenn latches. Tumer kamenn gar, hoi kol Nikolarja krenna, jaake har me kowa witar gar kamau.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.