3. Mose 14:4 - O Debleskro Drom 2021 (Sinte)

⁴ palle penell o rashai, te anenn le dui djide tchirkle, hoi hi gar pale-tchiddo, ninna zedertikro kasht, un lole thaba, un patria i burrestar, hoi kharell Ysop.

O Debleskro Lab 2024 (Sinte-Manouche)

⁴ palle penell o rashay, te anenn le douy djide čirkle, hoy hi gar pale-čiddo, ninna cedertikro kasht, oun lole thaba, oun patria i bourrestar, hoy kharell Hysop.

3. Mose 14:4 ပူးပေါင်းရင်းမြစ်များ

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

2. Mose 12:22

Palle lenn patria kol kashtestar, hoi kharella Ysop, un rikrenn len an ko tcharo, hoi o rat dren hi! Un makenn lentsa o rat win pral o wudar un ap kol dui kashta, hoi tchatches un serwes pash o wudar hi! Un kek tumendar djal dran o wudar win koi tseli rati.

3. Mose 1:14

Te kamell jek i tchirklo o baro Debleske te anell, te well ko tchirklo tseles leske chatchedo, palle anell lo i diwji tauba oder i wawar tauba.

3. Mose 12:8

Te hi li jaake tchorwelo, te nai anell li kek bakro, palle anell li dui diwje taube oder dui terne taube, jek, hoi o baro Debleske chatchedo well, un jek, hoi maredo well, te well o pale-tchiddo koowa latar krik lino. Jaake krell o rashai, te well li pale erligo.

3. Mose 14:5

Un o rashai penell, te marenn le ko jek tchirklo pral i tcharo, kai djudjo pani dren hi.

3. Mose 14:6

Palle rikrell lo o djido tchirkles an ko tcharo, kai pani un o rat o maredo tchirklestar dren hi. Khetne leha tchiwell lo ko zedertikro kasht, kol lole thaba un kol patria Ysop koi dren, an ko tcharo,

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

4. Mose 19:6

Un ko rashai hunte lell kasht ko rukestar, hoi kharella ‘Zeder’, ninna patria ko burestar, hoi kharella ‘Ysop’, ninna lolo bakrengro bal, un witsrell kowa ap koi grumjate, hoi chatchella.

Hebrearja 9:19

Kowa lauter djas jaake: O Mose penas i menshenge kol laba, hoi an ko liil tardo hi, kai tchinlo hi, har te djiwenn le. Palle las lo i grumjengro rat un i bakrengro rat, das pani pashel, un las i kasht, hoi kharella Ysop, pandas lole bakrengre balla pral pre, un tchiwas ko kasht i ballentsa an o rat, un tchoras ko rat ap ko liil un ap kol menshende,