3. Mose 14:35 - O Debleskro Drom 2021 (Sinte)

³⁵ palle hunte djal kowa, koleske ko kheer hi, pash o rashajeste un penell leske: “Mange dikell kowa win, har te phagals i djungelo kotar ap miro kheer win.”

O Debleskro Lab 2024 (Sinte-Manouche)

³⁵ palle hounte djal kova, koleske ko kheer hi, pash o rashayeste oun penell leske: “Mange dikell kova vin, har te phagals i djoungelo kotar ap miro kheer vin.”

3. Mose 14:35 ပူးပေါင်းရင်းမြစ်များ

1. Rajengro liil 13:34

Kai doosh, hoi anas o Jerobeam ap peste, kras, te meras leskri familja win, un was buder gar hatslo ap i tseli phub.

Debleskri gili 91:10

Doleske well kek bibacht ap tute, un kek nasslepen nai well an tiro kheer.

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

3. Mose 14:36

Glan te djal o rashai an ko kheer, te dikell lo peske kowa an, mukell lo ko tselo koowa dran ko kheer win te anell, te well gar kowa lauter pale-tchiddo. Palle djal lo dren un dikell pes ko kheer an.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 7:21

Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”