3. Mose 14:22 - O Debleskro Drom 2021 (Sinte)

²² dui diwje taube oder dui wawar taube. Koi jek well maredo, te well o pale-tchiddo koowa krik lino, koi wawar, te well li tseles chatchedo o baro Debleske.

O Debleskro Lab 2024 (Sinte-Manouche)

²² douy divye taube oder douy vavar taube. Koy yek vell maredo, te vell o pale-čiddo koova krik lino, koy vavar, te vell li tseles rhačedo o baro Debleske.

3. Mose 14:22 ပူးပေါင်းရင်းမြစ်များ

Debleskri gili 68:13

“I bare raja nashenn penge, lengre lurde hi ap o naashepen, un kowa hoi jon hunte mukan tchiddo, hi budeder har bud. Un khere denn i djuwja hakenes kolestar.

Kamlepaskri gili 2:14

Miri tauba, ma khate tut glan mande, har i tchirklo khatrell pes mank i bare barra, an o khatepen ap i berge! Muk man tut te dikell, muk man tut te shunell! Gudlo hi tiro rakepen, un kamles dikeh tu win.

Jesaja 38:14

An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Jesaja 59:11

Har pandle diwje vieche dah gole i dukatar, un rowah har i taube. Mare djia nashenn pal ko diwes, kai well menge o Dewel ap i rig, un lell men win dran i tchilatche wasta. Job well gar, un tchi djala.

Jeremia 48:28

Tumer menshe an o them Moab, nashenn win dran tumare forja, un djiwenn mank i bare barra! Un krenn les har i taube, kai krenn pengre khera kote, kai i barra dur tele djan.

Ezekiel 7:16

Un kolla, kai nai nashenn penge, djiwenn ap i berge har darene taube mank i bare barra, un rowenn pral pengri doosh.

3. Mose 14:21

Te hi lo tchorwelo un nai anell gar jaake bud, palle lell lo i terno bakro, hoi maredo well, te well o mensho pale erligo. Kau bakro well pre hadedo glan o baro Debleste, te well i pale-tchiddo koowa krik lino. Koi pashel lell lo jek kilogrammi jarro, kai djet dren hi, te well kowa ninna glan o baro Debleste anlo. Ninna anell lo jek khoro djet,

3. Mose 14:24

O rashai lell ko terno bakro, hoi maredo well, te well o mensho pale erligo, un hadell les pre glan o baro Debleste. Jaake krell lo ninna o djeteha.

3. Mose 15:14

Ap o ochtato diwes anell lo dui diwje taube oder dui wawar taube pash o rashajeste glan o wudar o plachteno kherestar, kai o baro Dewel djiwell.

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

4. Mose 6:10

Un ap o ochtato diwes hunte lell job dui diwje taube oder dui wawar taube un anell kolen pash o rashajeste pash o wudar glan o Debleskro plachteno kheer.