3. Mose 14:21 - O Debleskro Drom 2021 (Sinte)

²¹ Te hi lo tchorwelo un nai anell gar jaake bud, palle lell lo i terno bakro, hoi maredo well, te well o mensho pale erligo. Kau bakro well pre hadedo glan o baro Debleste, te well i pale-tchiddo koowa krik lino. Koi pashel lell lo jek kilogrammi jarro, kai djet dren hi, te well kowa ninna glan o baro Debleste anlo. Ninna anell lo jek khoro djet,

O Debleskro Lab 2024 (Sinte-Manouche)

²¹ Te hi lo čorvelo oun nay anell gar yaake boud, palle lell lo i terno bakro, hoy maredo vell, te vell o mensho pale erligo. Kava bakro vell pre hadedo glan o baro Debleste, te vell i pale-čiddo koova krik lino. Koy pashel lell lo yek kilogrammi yarro, kay djet dren hi, te vell kova ninna glan o baro Debleste anlo. Ninna anell lo yek khoro djet,

3. Mose 14:21 ပူးပေါင်းရင်းမြစ်များ

Hiob 34:19

Job dikell gar i pralstunes feteder an har i wawares, un tserdell o braweles gar o tchorweleske glan. Leskro wast kras len halauter.

Gosewe laba 17:5

Kowa kai pral i tchorweleste sal, kowa praassell koles, kai les kras. Kowa, kai bachtelo hi pral o wawareskri bibacht, sawo lell peskri phagi.

Gosewe laba 22:2

Brawelen un tchorwelen hi jek koowa khetne: Kol dujen kras o baro Dewel.

Ezekiel 46:7

Koi pashel anell lo 12 (deesh-te-dui) kilogramme jarro ko gurumeske un 12 (deesh-te-dui) kilogramme jarro ko murshkano bakreske, un jaake bud jarro, har kamell lo, i terne bakrenge. Un jek khoro djet pash hake 12 (deesh-te-dui) kilogramme jarro.

3. Mose 1:14

Te kamell jek i tchirklo o baro Debleske te anell, te well ko tchirklo tseles leske chatchedo, palle anell lo i diwji tauba oder i wawar tauba.

3. Mose 12:8

Te hi li jaake tchorwelo, te nai anell li kek bakro, palle anell li dui diwje taube oder dui terne taube, jek, hoi o baro Debleske chatchedo well, un jek, hoi maredo well, te well o pale-tchiddo koowa latar krik lino. Jaake krell o rashai, te well li pale erligo.

3. Mose 14:10

Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 14:22

dui diwje taube oder dui wawar taube. Koi jek well maredo, te well o pale-tchiddo koowa krik lino, koi wawar, te well li tseles chatchedo o baro Debleske.

3. Mose 27:8

Te hi kowa, kai pes sowel das, jaake tchorwelo, te nai anell leskro wast kowa gar khetne, palle anell lo ko menshes pash o rashajeste. Un ko rashai dikell peske koles an, un penell har bud lowe leske plaissedo hunte wenn, pal kowa hoi kowa nai dell, kai pes sowel das.

3. Mose 5:11

Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

Louka 6:20

Un o Jesus dikas ap peskre malende un penas: Bachtele han tumer tchorwele! Tumer djiwenna o Debleha khetne an o bolepen un lenn leskro brawlepen.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.