3. Mose 14:14 - O Debleskro Drom 2021 (Sinte)

¹⁴ O rashai lell o ratestar ko viechestar, hoi maredo was, te well o mensho pale erligo glan o Debleste, un makell tchomone tella ap o tchatcho kand kolestar, kai sasto was, ninna ap leskro tchatcho pesso gushto un ap o tchatcho pesso tsebo.

O Debleskro Lab 2024 (Sinte-Manouche)

¹⁴ O rashay lell o ratestar ko firhestar, hoy maredo vas, te vell o mensho pale erligo glan o Debleste, oun makell čomone tella ap o čačo kand kolestar, kay sasto vas, ninna ap leskro čačo pesso goushto oun ap o čačo pesso tsebo.

3. Mose 14:14 ပူးပေါင်းရင်းမြစ်များ

2. Mose 29:20

Palle mare les, le leskro ratestar un tchip les tella ap o Aroneskro tchatcho kand, ninna ap i tchatche kanda leskre tchawenge! Ninna ap o pesso gushto ap lengro tchatcho wast, un ap o baro tsebo ap lengro tchatcho piro tchiwess tu o rat. O tselo wawar rat tchoress tu trul o Debleskri chatchepaskri win.

Jesaja 1:5

Han gomme gar doha dino? Hoske rikrenn tumare djia pandlo un djan dureder ap tumaro tchilatcho drom? Tumaro tselo shero hi pherdo dukepen, un tumaro tselo dji hi nasselo.

3. Mose 14:19

Pal kowa marell o rashai ko viecho, hoi maredo well, te well ko pale-tchiddo koowa krik lino kolestar, kai sasto was. Jaake krell lo les pale erligo. Palle marell lo ko viecho, koleskro tselo mass o Debleske chatchedo well,

3. Mose 14:25

Palle marell lo ko terno bakro un makell o ratestar tella ap o tchatcho kand kolestar, kai sasto was, ninna ap leskro tchatcho pesso gushto un ap o tchatcho pesso tsebo.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Remarja 6:13

Denn jak, te krenn tchi tumare wastentsa, herjentsa, jakentsa un mujentsa, hoi krell o tchilatchepen ap kai phub sorleder! Djiwenn o tselo djijeha o Debleske, har sawe, kai his mulo, un wan pale djido. Krenn kowa lauter, hoi krell o latchepen sorleder!

Remarja 6:19

Me penom tumenge kowa jaake, te haiwenn man nai. Har hans gomme gar patslo, kran tumer djungelo un tchilatcho koowa. Un o tchilatchepen an tumende was baro un bareder. Kanna hi kowa wawartchandes. Doleske krenn kowa, hoi latcho un tchatcho hi! Jaake djiwenn tumer o Debleskro djipen.

1. Korintarja 6:20

O Dewel plaissras tumenge peskro tchaweskro rateha. Doleske sharenn les tumaro tselo djipah!

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

Filiparja 1:20

Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.