3. Mose 14:10 - O Debleskro Drom 2021 (Sinte)

¹⁰ Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

O Debleskro Lab 2024 (Sinte-Manouche)

¹⁰ Ap o orhtato dives anell lo douy terne bakre, hoy morsha hi oun sasto, oun yek bakri, hoy yek bersh phouro oun sasto hi. Ninna anell lo triin kilogramme lačo yarro, kay djet dren hi, te vell kova glan o baro Debleste anlo. Koy pashel anell lo i khoro djet.

3. Mose 14:10 ပူးပေါင်းရင်းမြစ်များ

2. Mose 29:40

Le ninna i khoro latcho jarro un jek litari olivtikro djet, un tchore o djet an o jarro, un kre les khetne, un tchip kowa pash ko bakro pashel! Un le jek litari mool un tchore les win glan o Debleste!

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 14:11

Ko rashai anell koles, kai sasto was, un kau tselo koowa glan o baro Debleste, glan o wudar koleskro plachteno kherestar.

3. Mose 14:12

O rashai lell ko jek terno bakro un ko jek-paash litari djet, un hadell kowa pre glan o baro Debleste, te well ko mensho pale erligo kerdo glan o Debleste.

3. Mose 14:15

O rashai lell ko khoro djet un tchorell tchomone kolestar an peskro serwo wast.

3. Mose 14:21

Te hi lo tchorwelo un nai anell gar jaake bud, palle lell lo i terno bakro, hoi maredo well, te well o mensho pale erligo. Kau bakro well pre hadedo glan o baro Debleste, te well i pale-tchiddo koowa krik lino. Koi pashel lell lo jek kilogrammi jarro, kai djet dren hi, te well kowa ninna glan o baro Debleste anlo. Ninna anell lo jek khoro djet,

3. Mose 2:1

Te kamell jek i chapen dran djob glan o baro Debleste te anell, palle anell lo latcho jarro un tchorell djet pral wergel un tchiwell sungepaskro koowa koi pral.

3. Mose 2:11

Ko tselo chapen dran djob, hoi jek o baro Debleske anell, an koleste hunte well kek shutlo jarro. Tumer hunte denn kek shutlo jarro, witar kek gwin an ko chapen, hoi chatchrenn o baro Debleske.

3. Mose 2:13

Ko tselo chapen, hoi tu o baro Debleske aneh, hunte well londo. Ko loon hi i sikepen, kai kowa, hoi o Dewel tumentsa win kras, hako tsiro atchell. Doleske aneh leske kek chapen dran djob, witar kek viechen, kai kek loon pashel kerdo was.

3. Mose 23:13

Koi pashel anenn glan leste dui-te-paash kilogramme latcho jarro, kai djet dren hi. Kau chapen well leske chatchedo. Un ko latcho sungepen, hoi well win, sungella mishto o baro Debleske. Koi pashel anenn jek litari mool, hoi well win tchoredo glan leste.

3. Mose 4:32

Te kamell jek i bakro o Debleske te anell, te well leskri doosh krik lino, palle anell lo i bakri, hoi gar nasselo hi,

3. Mose 9:1

Har o ochtato diwes was, kharas o Mose o Arones un leskre mursh tchawen un i phureder dran Israel pash peste,

4. Mose 28:20

Koi pashel ko chapen dran latcho jarro djeteha: triin kilogramme haki terni mursh grumjake un dui kilogramme hako mursh bakreske,

4. Mose 6:14

Un job hunte dell o baro Debles i bakro, jek bersh phuro un sasto, te well kowa tseles chatchedo o Debleske. Ninna dell job o Debles i bakri, jek bersh phuro un sasto, te well leskri doosh krik lino. Un pale anell lo leske i wawar sasto mursh bakro, hoi chan le khetne glan o Debleste.

Mateo 8:4

Un o Jesus penas ap leste: “Shun, pen kekeske, hoi me tuke krom! Dja an o Debleskro baro kheer pash o rashajeste un sike leste, kai tiro nasslepen tutar djas! Un an kowa glan o Debleste, hoi o Mose penas, te djinenn i menshe, kai tu sasto wal.”

Markus 1:44

“Shun, pen kekeske, hoi me krom tuke! Dja pash o rashajeste un sike leste, kai tu sasto wal! Un an kowa glan o Debleste, hoi o Mose penas, te wess erligo kerdo. Kre kowa, te djinenn i menshe, kai tu sasto wal.”

Louka 5:14

Un o Jesus penas leske: “De jak, te peness kekeske, hoi me tuke krom! Dja pash o rashajeste un sike leste, kai tiro nasslepen tutar djas. Un an kowa glan o Debleste, hoi o Mose penas, te djinenn i menshe, kai tu sasto wal!”

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Johanni 6:33

O Debleskro maro hi kowa, kai was dran o bolepen, un dell i menshen o djipen.”

Johanni 6:51

Me hom ko maro, hoi dell o djipen, un hoi was dran o bolepen. Hakeno, koon chala kau maro, lell o djipen, hoi gar pre-herella. Un ko maro hi miro mass. Me dau les i menshenge, te lenn le ko djipen.”

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.