3. Mose 13:57 - O Debleskro Drom 2021 (Sinte)

⁵⁷ Te sikrell pes ko djunglepen pal kowa pale, well diklo, te hi tchomone, hoi dureder djal. Palle hunte well kau koowa chatchedo, kai sikrell pes kau djunglepen ap leste.

O Debleskro Lab 2024 (Sinte-Manouche)

⁵⁷ Te sikrell pes ko djounglepen pal kova pale, vell diklo, te hi čomone, hoy doureder djal. Palle hounte vell kava koova rhačedo, kay sikrell pes kava djounglepen ap leste.

3. Mose 13:57 ပူးပေါင်းရင်းမြစ်များ

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

3. Mose 13:56

Te dikell o rashai, te was ko kotar, hoi senelo oder lolo his, buder gar jaake senelo oder lolo pal o thopen, palle tchinell lo les tele dran o ripen oder dran i koola dran bakrengre balla oder laina oder ledera.

3. Mose 13:58

Te hi ko djunglepen buder gar koi pal o thopen, hunte well kau koowa thodo i duito kopo. Pal kowa hi lo gar pale-tchiddo.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.