3. Mose 13:3 - O Debleskro Drom 2021 (Sinte)

³ Un ko rashai hunte dikell peske koi nasseli kotar hauta an. Te wan i balla kote parno, un koi nasseli kotar hauta hi dureder tele an o mass har koi wawar hauta trujel, palle hi kowa i djungelo nasslepen. Kowa te dikell o rashai ap koleste, palle hunte rakrell lo win, te hi ko mensho pale-tchiddo.

O Debleskro Lab 2024 (Sinte-Manouche)

³ Oun ko rashay hounte dikell peske koy nasseli kotar hauta an. Te van i balla kote parno, oun koy nasseli kotar hauta hi doureder tele an o mass har koy vavar hauta trouyel, palle hi kova i djoungelo nasslepen. Kova te dikell o rashay ap koleste, palle hounte rakrell lo vin, te hi ko mensho pale-čiddo.

3. Mose 13:3 ပူးပေါင်းရင်းမြစ်များ

1. Mose 13:3

Un ko themestar Negev djas job dureder fun jek platsa ap i wawar. Un was pash o foro Betel ap koi platsa mank Betel un Ai, kai leskro plachteno kheer o ersto kopo tardo his.

Ezekiel 16:30

Har chatchell miri choli pral tute, te kral tu kowa lauter, penell o baro Dewel, maro rai. Tu wal i bari wi-ladjedi lubni.

Ezekiel 44:23

I rashaja hunte sikrenn mire menshende, hoi mange, o Debleske hi, un kowa, hoi i menshenge hi. Un jon hunte djinenn, hoi pale-tchiddo glan mande hi, un hoi gar pale-tchiddo glan mande hi.

Hosea 7:9

I wawar menshe chan leskri soor, un job haiwell kowa gar. O Efrajim hi har i phuro mursh, koleskre balla parno wan. Un job haiwell gar, kai leskro tsiro sik trujel hi.

3. Mose 10:10

Tumer hunte dikenn dren, hoi o baro Debleske hi, un hoi gar o baro Debleske hi, un hoi erligo hi un hoi pale-tchiddo hi glan leste.

3. Mose 13:10

Te dikell ko rashai palle, te hi ko dukepen parno un pesso, un i balla an ko dukepen wan parno, un ko dukepen hi pre un lolo,

3. Mose 13:2

Te well pash i mensheste i kotar hauta pesso oder nasselo oder parno, jaake te darenn le, kai kowa i djungelo nasslepen hi, palle well ko mensho pash o rashajeste anlo, pash o Aroneste oder pash jekeste leskre mursh tchawendar.

3. Mose 13:20

Te dikell o rashai koi kotar hauta, un kowa hi dureder tele an o mass har i wawar hauta trujel, un i balla ap ko dukepen wan parno, palle hi kowa i djungelo nasslepen, hoi an o dukepen win phagas. Palle rakrell ko rashai win, te hi ko mensho pale-tchiddo.

3. Mose 13:4

Te hi ko parno kotar ap leskri hauta gar dureder tele an leskro mass har koi wawar hauta, un i balla wan gar parno, palle pandell ko rashai ko menshes efta diwessa an i kheer dren.

3. Mose 13:8

Te dikell o rashai palle, kai was ko nasselo kotar bareder, palle hi kowa i djungelo nasslepen, un o rashai hunte rakrell win, te hi ko mensho pale-tchiddo.

3. Mose 14:37

Te dikell lo djungele senele oder lole kotja ap i barra, un kowa dikell win, har te chals pes ko djunglepen an i barra dren,

3. Mose 14:54

Pal kal laba hunte well kerdo, te hi jekes i nasslepen ap peskri hauta, djungelo oder gar djungelo,

3. Mose 5:3

Ninna te taprell lo ap i mensheste, kai hi pale-tchiddo, hoi kowa ninna hi, palle anas lo doosh ap peste, ninna te haiwas lo gar, hoi lo kras.

Haggai 2:11

Kowa penell o baro Dewel, ko rai pral o bolepen un i phub: Putch i rashajen, hoi jon penenn an kau koowa:

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Mateo 16:19

Me dau tut i klidepaskro, hoi krell o wudar pre, te wenn i menshe ap miro drom. Ap koleste, kai tu peneh: O Dewel las tiri doosh tutar, kolestar hi li krik lino. Ap koleste, kai tu peneh: Tiri doosh atchell ap tute, ap koleste atchell leskri doosh tchiddo.”

Johanni 20:23

Ap koneste tumer penenna: Tiri doosh hi krik lino, koleske well li krik lino. Un ap koneste tumer penenna: Tiri doosh atchell ap tute, ap koleste atchell li.”

Bičepangre 20:28

Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Remarja 7:7

Hoi sikras men kowa? Hi o Moseskre laba tchilatcho? Na-a. Kowa hi gar jaake. Te wans kol laba gar koi, djinams gar, hoi tchilatcho hi. Kol laba penenn menge: Tiro dji te djal gar pal kowa, hoi o wawareske hi! Te djinoms kol laba gar, djinoms gar, kai kowa tchilatcho hi.

1. Timoteo 1:20

Dui lendar hi o Himeneo un o Alexandro. Kolen dom an o bengeskro wast, te rakrenn le buder gar djungeles pral o Debleste.

2. Timoteo 3:13

Kol tchilatche menshe un kol chochene, kai krenn jaake, har te wans le patslo, kolentsa well djungleder un djungleder. Jon peran o Debleskro dromestar tele, un tserdenn ninna wawaren o Debleskro dromestar tele.

Hebrearja 13:7

Ma bistrenn, har kolla pengro djipen djiwan, kai penan tumenge o Debleskro lab, un sikran tumen leskro drom! Dikenn, har jon djiwan un meran, un soreles an o patsepen tardo his! Djan jaake ap o Jesuseskro drom har jon djan!

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.