3. Mose 13:20 - O Debleskro Drom 2021 (Sinte)

²⁰ Te dikell o rashai koi kotar hauta, un kowa hi dureder tele an o mass har i wawar hauta trujel, un i balla ap ko dukepen wan parno, palle hi kowa i djungelo nasslepen, hoi an o dukepen win phagas. Palle rakrell ko rashai win, te hi ko mensho pale-tchiddo.

O Debleskro Lab 2024 (Sinte-Manouche)

²⁰ Te dikell o rashay koy kotar hauta, oun kova hi doureder tele an o mass har i vavar hauta trouyel, oun i balla ap ko doukepen van parno, palle hi kova i djoungelo nasslepen, hoy an o doukepen vin phagas. Palle rakrell ko rashay vin, te hi ko mensho pale-čiddo.

3. Mose 13:20 ပူးပေါင်းရင်းမြစ်များ

3. Mose 13:19

un pal kowa well i hauta ap ko emligo kotar pale pesso un parno oder parno-te-lolo, palle sikrell lo kowa o rashajeste.

3. Mose 13:2

Te well pash i mensheste i kotar hauta pesso oder nasselo oder parno, jaake te darenn le, kai kowa i djungelo nasslepen hi, palle well ko mensho pash o rashajeste anlo, pash o Aroneste oder pash jekeste leskre mursh tchawendar.

3. Mose 13:21

Te dikell o rashai koi kotar hauta un dikell kek parne balla, un koi kotar hauta hi gar dureder tele an o mass har i tseli wawar hauta, un hi buder gar jaake parno oder lolo-te-parno, palle pandell o rashai ko menshes efta diwessa dren.

3. Mose 13:3

Un ko rashai hunte dikell peske koi nasseli kotar hauta an. Te wan i balla kote parno, un koi nasseli kotar hauta hi dureder tele an o mass har koi wawar hauta trujel, palle hi kowa i djungelo nasslepen. Kowa te dikell o rashai ap koleste, palle hunte rakrell lo win, te hi ko mensho pale-tchiddo.

Mateo 12:45

Koi rodell lo peske wawar efta benga, kai tchilatcheder hi har job. Un jon djan an ko mensheste dren, un djiwenn an leste. Jaake hi ko mensheha djungleder har glan kau tsiro. Un jaake djal ninna kal tchilatche menshenge, kai kanna djiwenna.

Johanni 5:14

Pal i tsiro tapras o Jesus ko murshes pale an o Debleskro baro kheer. “Tu hal kanna sasto,” penas lo ap leste, “kre kek tchilatcho koowa buder, te well gar budeder ap tute har ko nasslepen!”

2. Petro 2:20

Jon haiwan, kai maro rai, o Jesus Kristo, lenge meras, un dan pengro phuro djipen pre. Un palle wan le ap ko djungelo drom pale. Kanna hi lengro djipen djungleder har glan ko tsiro.