3. Mose 13:1 - O Debleskro Drom 2021 (Sinte)

¹ O baro Dewel penas ap o Mose un ap o Aron:

O Debleskro Lab 2024 (Sinte-Manouche)

¹ O baro Devel penas ap o Mose oun ap o Aron:

3. Mose 13:1 ပူးပေါင်းရင်းမြစ်များ

3. Mose 12:8

Te hi li jaake tchorwelo, te nai anell li kek bakro, palle anell li dui diwje taube oder dui terne taube, jek, hoi o baro Debleske chatchedo well, un jek, hoi maredo well, te well o pale-tchiddo koowa latar krik lino. Jaake krell o rashai, te well li pale erligo.

3. Mose 13:2

Te well pash i mensheste i kotar hauta pesso oder nasselo oder parno, jaake te darenn le, kai kowa i djungelo nasslepen hi, palle well ko mensho pash o rashajeste anlo, pash o Aroneste oder pash jekeste leskre mursh tchawendar.

3. Mose 15:1

O baro Dewel penas ap o Mose un ap o Aron:

Markus 1:40

I mursh was pash o Jesuseste. Koles his i djungelo nasslepen, kai leskro mass tele merella. Job peras glan leste tele, un mangas lestar: “Te kameh tu, nai kreh man sasto.”

Louka 17:14

Un o Jesus dikas len, un penas ap lende: “Djan pash o rashajeste, un sikrenn tumen glan leste!” Un har jon djan, wan jon ap o drom sasto.

Louka 5:12

An jek foro his i mursh, koles his i djungelo nasslepen, kai leskro mass ap leste tele merella. Job dikas o Jesuses, un witsras pes glan leste tele ap i phub, un mangas lestar: “Rai, te kameh tu, nai kreh tu man sasto.”

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.