3. Mose 12:6 - O Debleskro Drom 2021 (Sinte)

⁶ Pal kal diwessa, kai his li pale-tchiddo, anell li o rashajeske i bakro, hoi jek bersh hi glan o wudar o Debleskro kherestar. Ninna anell li leske i terni tauba oder i diwji tauba. O bakro well maredo un leskro tselo mass well chatchedo o baro Debleske. Un i tauba well maredo, te well o pale-tchiddo koowa krik lino.

O Debleskro Lab 2024 (Sinte-Manouche)

⁶ Pal kal divessa, kay his li pale-čiddo, anell li o rashayeske i bakro, hoy yek bersh hi glan o voudar o Debleskro kherestar. Ninna anell li leske i terni tauba oder i divyi tauba. O bakro vell maredo oun leskro tselo mass vell rhačedo o baro Debleske. Oun i tauba vell maredo, te vell o pale-čiddo koova krik lino.

3. Mose 12:6 ပူးပေါင်းရင်းမြစ်များ

1. Mose 15:9

Koi penas o Dewel ap leste: “An mange i terni grumni – triin bersh phuro, i busni – triin bersh phuro un i bakro – triin bersh phuro, i diwji tauba un i wawar tauba!”

3. Mose 12:2

Pen ap i Israelitarja: Te anell i djuwel i mursh tchawes ap i phub, palle well li efta diwessa pale-tchiddo, har an kol diwessa, kai lat i djuwjakro koowa hi.

3. Mose 12:5

Te well lake i tchai boldo, palle well li dui kurke pale-tchiddo, har te wals lat peskri djuwjakro koowa. Un 66 (shob-deesh-te-shob) diwessa atchell li khere, bis te well li pale erligo.

3. Mose 12:7

O rashai chatchrell kol vieche glan o baro Debleste, te well koi djuwel pale erligo. Jaake well o pale-tchiddo koowa krik lino, hoi ap koi djuwjate his. Jaake hunte krenn i djuwja, kai anan i mursh tchawes oder i tchai ap i phub.

3. Mose 14:22

dui diwje taube oder dui wawar taube. Koi jek well maredo, te well o pale-tchiddo koowa krik lino, koi wawar, te well li tseles chatchedo o baro Debleske.

3. Mose 15:14

Ap o ochtato diwes anell lo dui diwje taube oder dui wawar taube pash o rashajeste glan o wudar o plachteno kherestar, kai o baro Dewel djiwell.

3. Mose 15:29

Ap o ochtato diwes anell li dui diwje taube oder dui wawar taube pash o rashajeste glan o wudar o Debleskro plachteno kherestar.

4. Mose 6:10

Un ap o ochtato diwes hunte lell job dui diwje taube oder dui wawar taube un anell kolen pash o rashajeste pash o wudar glan o Debleskro plachteno kheer.

Louka 2:22

Star-deesh diwessa his i Maria pale-tchiddo, jaake har o Mose kowa an peskro liil tchinas. Pal kowa anan o Josef un i Maria kol ternepas an o Debleskro baro kheer an o foro Jerusalem, te denn le les an o Debleskro wast.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.