3. Mose 11:8 - O Debleskro Drom 2021 (Sinte)

⁸ O mass kek kal viechendar hunte chan. Witar gar taprenn len an, te hi le mulo. Pale-tchiddo wenn le tumenge.

O Debleskro Lab 2024 (Sinte-Manouche)

⁸ O mass kek kal firhendar hounte rhan. Vitar gar taprenn len an, te hi le moulo. Pale-čiddo venn le t'menge.

3. Mose 11:8 ပူးပေါင်းရင်းမြစ်များ

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

3. Mose 11:7

Un o bales hunte chan gar, ninna te hi les pre-phagede pire. O balo chal o chapen gar dui kope. Pale-tchiddo well lo tumenge.

3. Mose 11:9

Kalla hi i vieche, hoi nai chan tumer kolendar, kai djiwenn an o pani: Halauter, hoi les flosse un shuppe hi, un djiwell an o baro pani un an i lengste panja, kowa nai chan tumer.

3. Mose 5:2

Te taprell jek tchomone an, hoi pale-tchiddo hi, nai well i mulo diwjo viecho, nai well i wawar mulo viecho, ninna i tikno mulo viecho, hoi djal pral i phub, palle hi lo pale-tchiddo, un anas doosh ap peste, ninna te haiwas lo gar, hoi lo kras.

Mateo 15:11

O chapen un o pipen, hoi i mensho an peskro mui tchiwella, kowa krell les gar pale-tchiddo. Kol tchilatche laba, hoi i mensho rakrella, kolla krenn les pale-tchiddo.”

Mateo 15:20

Kowa lauter krell i menshes pale-tchiddo. Job te thowell gar peskre wasta glan o chapen, krell les kowa gar pale-tchiddo.

Markus 7:15

Tchi, hoi an o mensheskro mui dren wella, krell les pale-tchiddo. Kowa, hoi dran leskro dji win wella, kowa krell les pale-tchiddo.

Markus 7:18

Un job penas ap lende: “Haiwan tumer witar gar? Haiwan tumer gar, kai lauter, hoi an o mensheskro mui dren wella, kowa nashte krell les gar pale-tchiddo.

Markus 7:2

Un jon dikan, har mank leskre malende sawe hi, kai thowan gar pengre wasta glan o chapen.

Bičepangre 10:28

Un o Petro penas ap lende: “Tumer djinenna, te hi kowa i biboldeske pale-tchiddo, te djal lo an o kheer dren, hoi gar i biboldeskro hi. Un kek wi-themari well pash i biboldeste an o kheer dren. Mande sikras o Dewel, te rikrap kekes pale-tchiddo.

Bičepangre 15:29

Chan kek mass, hoi was glan i figura anlo, hoi i menshe an-mangenn, har te wals li o Dewel. Pijenn kek rat! Chan kek mass i viechestar, kai o rat gar win nashas! I murshenge penah, te sowenn le gar wawar djuwjentsa. Un i djuwjenge penah, te sowenn le gar wawar murshentsa. Te rikrenn tumen ap kowa, hi kowa mishto. Atchenn o Debleha!”

Remarja 14:21

Hi feteder, te chah tu kek mass un te pijeh tu kek mool un kreh tchi, hoi anell tiro phrales o Debleskro dromestar tele.

1. Korintarja 8:8

Kolenge penau me: O chapen krell men gar pale-tchiddo glan o Debleste. Te ham dareno, te chas jek chapen, ham gar tikneder glan o Debleste. Te ham gar dareno, te chas kowa, ham gar feteder glan leste.

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Efesarja 5:11

Ma djan ap o tchilatcho drom kolentsa, kai krenna, hoi tchi moldo un tchilatcho hi! Sike lende, har tchilatcho kowa hi!

Efesarja 5:7

Rikrenn tumen kolendar pale, kai kowa lauter krenna!

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.