3. Mose 11:44 - O Debleskro Drom 2021 (Sinte)

⁴⁴ Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

O Debleskro Lab 2024 (Sinte-Manouche)

⁴⁴ Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

3. Mose 11:44 ပူးပေါင်းရင်းမြစ်များ

Debleskri gili 99:5

Hadenn maro baro Debles! Un perenn ap i phub glan i beshepaskri, kai job peskre herja pre tchiwella. O baro Dewel kokres hi o tchatcho Dewel.

Debleskri gili 99:9

Hadenn maro baro Debles! Mangenn les an ap leskri berga, kai job djiwella. Maro baro Dewel kokres hi o tchatcho Dewel.

2. Mose 16:12

“Me shunom, har chojedo i Israelitarja his. Rake ap lende un pen: ‘An i rat chan tumer mass. Un taissarlakro chan tumer tumen tchalo ap o maro, te dikenn, te hom me tumaro baro Dewel.’”

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:6

un han wi-rodedo, te wenn bare raja un rashaja, kai hi mange koi.’ Kal laba peness tu ap i tsele Israelitarja.”

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

2. Mose 22:30

Tumer han mire wi-rodede menshe. Doleske ma chan o mass kol viechendar, hoi wan mulo dandedo diwje viechendar. Denn ko mulo vieches tumare djuklen!

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Jesaja 43:3

Me, o baro Dewel, hom tiro Dewel. Me, o Israeleskro Dewel lau tut win dran o merepen. Me dau lenge o them Egiptia, te ginap tut win. I themma Etiopia un Seba dau koi pashel.

Jesaja 51:15

Me hom o baro Dewel, tiro Dewel, kowa, kai o baro pani diwjo krell, un mukell i baro phurdepen pral leste te djal. Miro lab hi ‘baro Dewel, rai pral o bolepen un i phub’.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

3. Mose 11:43

Ma krenn tumen pale-tchiddo sau tikno viecheha, hoi chan.

3. Mose 18:2

Pen ap i Israelitarja: Me, o baro Dewel, hom tumaro Dewel.

3. Mose 19:10

Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

3. Mose 19:2

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

3. Mose 19:4

Ma nashenn i chochene deblen palla! Krenn tumen kek debla tumare wastentsa! Me, o baro Dewel, hom tumaro Dewel.

3. Mose 20:26

Me hom o baro Dewel. Kek wawar hi har me. An mande hi kek tchilatchepen. Un tumen rodom win dran i wawar themma, te wenn tumer miro. Doleske hunte wenn kokres mange un djiwenn har i Debleskre menshe djiwenn.

3. Mose 20:7

Me, o baro Dewel, hom tumaro Dewel. Doleske awenn mange kokres koi. Tchi hunte well tardo mank mande un tumende!

3. Mose 21:8

Tumer Israelitarja, i rashai hi tumenge i Debleskro mursh! Job chatchrell glan mande o chapen, hoi mange anlo well. Doleske well lo tumenge i mursh, koles wi-rodom, te budrell lo mange. Me hom o baro Dewel. Kek wawar hi har me. Un tumen rodom mange win, te wenn mire menshe.

Amos 3:3

O Amos penas: Nai denn pen dui mursha khetne ap i drom, un kran gar win, kai te taprenn le pen? Na-a!

4. Mose 15:40

Tumenge hunte well halauter pale an o shero, hoi me penom. Un kowa krenna! Palle han mire menshe, kolla mange kokres koi hi.

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

1. Tessalonikarja 4:7

O Dewel das men gole, te djiwas i djudjo djipen. Job das men gar gole, te kras djungelo koowa.

Josua 24:19

Kote penas o Josua ap i tsele menshende: “Kowa nai wals tumenge phares, o baro Debleske koi te well. Kek wawar dewel hi har job hi. Un job kamell tumendar, te mangenn les kokres an. Te djan tumer leskro dromestar tele un hadenn tumen pral leste, bistrell lo kowa gar.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Debleskro tsiro 22:11

Koon tchilatcho koowa krella, kowa krell kowa. Un koon djungelo koowa krella, kowa krell kowa. Un koon an o tchatchepen djiwella, atchell an o tchatchepen! Un koon o Debleha djiwella, kowa atchell o Debleha!

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.

1. Samuel 6:20

Un i mursha an Bet-Shemesh penan: “Koon nai atchell djido glan o baro Debleste, kai jaake hi har kek wawar? Pash koneste nai bitchrah ko mochton? Kate nai atchell lo gar.”