3. Mose 11:35 - O Debleskro Drom 2021 (Sinte)

³⁵ Ap lauter, kai sau mulo viecho perell, kowa well pale-tchiddo. Te perell lo ap i bob, ap kolate peklo oder keredo well, well ko bob pale-tchiddo, un tumer hunte phagenn les tele. Pale-tchiddo hi lo tumenge.

O Debleskro Lab 2024 (Sinte-Manouche)

³⁵ Ap lauter, kay sau moulo firho perell, kova vell pale-čiddo. Te perell lo ap i bob, ap kolate peklo oder keredo vell, vell ko bob pale-čiddo, oun t'mer hounte phagenn les tele. Pale-čiddo hi lo t'menge.

3. Mose 11:35 ပူးပေါင်းရင်းမြစ်များ

Hiob 39:8

Koi diwji burika hatsell peskro chapen ap i berge, un rodell pal halauter, hoi senelo hi.

3. Mose 11:33

Te perell sau mulo viecho an i piri, hoi dran tchik kerdo was, palle well lauter, hoi an koi piri hi, pale-tchiddo. Sawi piri hunte phagenn tumer paash.

3. Mose 11:34

Te well pani dran sawi piri pash i chapen dino, well ko tselo chapen pale-tchiddo, ninna hako pipen dran sawi piri.

3. Mose 11:36

Kokres te perell i mulo viecho an i brunna, kai pani dren hi, palle well ko pani gar pale-tchiddo. Kokres kowa, kai taprell ko mulo vieches an, hoi koi dren hi, kowa hi pale-tchiddo.

3. Mose 13:52

Ko ripen oder kol koola, ap kolende ko djunglepen hi, hunte wenn pre chatchedo an i jag.

3. Mose 15:12

Kol tchare, hoi dran tchik kerdo hi, un kolen ko nasselo an-tapras, hunte wenn paash dino. Halauter, hoi dran kasht kerdo was, un kolestar an-tapedo was, hunte well an pani tele thodo.