3. Mose 11:24 - O Debleskro Drom 2021 (Sinte)

²⁴ Kalla hi kol vieche, kai hunte taprenn len gar an, te hi le mule: Hakeno, kai taprell sawo mulo viecho an, kowa hi pale-tchiddo bis te well rati.

O Debleskro Lab 2024 (Sinte-Manouche)

²⁴ Kalla hi kol firhe, kay hounte taprenn len gar an, te hi le moule: Hakeno, kay taprell savo moulo firho an, kova hi pale-čiddo bis te vell rati.

3. Mose 11:24 ပူးပေါင်းရင်းမြစ်များ

Jesaja 22:14

Ap mande penas o baro Dewel, ko rai pral o bolepen un i phub: “Kaja doosh well lendar gar krik lino jaake rah har djiwenn le.”

3. Mose 11:23

Kol tsele wawar tikne vieche, kolen tchirklengre mussja hi un ap star herja djan, wenn tumenge pale-tchiddo.

3. Mose 11:25

Koon sau mulo vieches hidjrell, hunte thowell peskre koola, un well pale-tchiddo, bis te well rati.

3. Mose 11:31

Kalla hi tumenge pale-tchiddo mank kol tsele tikne viechende. Hakeno, kai len an-taprell, te hi le mulo, well pale-tchiddo, bis te well rati.

3. Mose 11:8

O mass kek kal viechendar hunte chan. Witar gar taprenn len an, te hi le mulo. Pale-tchiddo wenn le tumenge.

3. Mose 14:46

Kowa, kai djal dren an ko kheer, jaake rah har kowa tele pandlo hi, kowa well pale-tchiddo, bis te well rati.

3. Mose 15:10

Koon tchomone an-taprell, ap koleste ko nasselo tchiddo oder beshdo his, well pale-tchiddo, bis te well rati. Koon tchomone hidjrell, ap koleste ko nasselo tchiddo oder beshdo his, hunte thowell pes un peskre koola, un hi pale-tchiddo, bis te well rati.

3. Mose 15:11

Te taprell ko nasselo jekes an, un leskre wasta his gar thodo, palle hunte thowell pes kowa, kai an-tapedo was, un peskre koola, un hi pale-tchiddo bis te well rati.

3. Mose 15:15

Ko rashai marell koi jek, te well ko pale-tchiddo koowa krik lino, un koi wawar, te well li tseles chatchedo o baro Debleske. Jaake krell o rashai, te well ko mursh, kai dran peskro nasslepen pale-tchiddo his, pale erligo glan o baro Debleste.

3. Mose 15:21

Hakeno, kai lakro tchiben an-taprell, hunte thowell pes un peskre koola, un atchell pale-tchiddo, bis te well rati.

3. Mose 15:22

Hakeno, kai kowa an-taprell, kai li pre-beshdo his, hunte thowell pes un peskre koola un atchell pale-tchiddo, bis te well rati.

3. Mose 15:23

Un koon tchomone an-taprell, hoi kote tchiddo his, kai li tchiddo oder beshdo his, atchell pale-tchiddo bis te well rati.

3. Mose 15:27

Kowa, kai tchomone kolestar an-taprell, kowa hi pale-tchiddo, un hunte thowell pes un peskre koola, un atchell pale-tchiddo bis te well rati.

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

3. Mose 15:6

Koon beshas pes ap tchomone, kai ko nasselo beshdo his, kowa hunte thowell pes un peskre koola, un hi pale-tchiddo, bis te well rati.

3. Mose 15:7

Koon ko nasseles an-tapras, kowa hunte thowell pes un peskre koola, un hi pale-tchiddo bis te well rati.

3. Mose 15:8

Te tchungrell ko nasselo ap jekeste, kai gar pale-tchiddo hi, hunte thowell pes kowa un ninna peskre koola, un hi pale-tchiddo, bis te well rati.

3. Mose 16:26

Ko mursh, kai tradas koi mursh busni an o mulo diwjo them, hunte thowell pes un peskre koola, glan te nai djal lo pale ap i platsa, kai i menshe djiwenn.

3. Mose 16:28

Ko mursh, kai kowa lauter chatchras, kowa hunte thowell pes un peskre koola. Pal kowa nai well lo pale ap i platsa, kai i menshe djiwenn.

3. Mose 22:4

Kones o Aroneskre tchawendar i djungelo nasslepen ap peskri hauta hi, oder koleske tchomone dran leskro murshkano mass nashell, kowa te chal gar fun ko chapen, hoi mange anlo was, bis te hi lo pale erligo. Hako rashai, koon jekes an tapras, kai kras pes i muleha pale-tchiddo, oder koleske jek tele djas,

3. Mose 22:5

kowa well pale-tchiddo, bis te well rati. Kowa hi ninna jaake, te tapras lo i tikno pale-tchiddo vieches an, hoi djal pral i phub, oder i menshes, kai pale-tchiddo hi, hoi kowa ninna hi. Sawo atchell pale-tchiddo, bis te well rati, un nai chal gar fun ko chapen, hoi o baro Debleske anlo well, bis te thowas lo pes.

3. Mose 5:2

Te taprell jek tchomone an, hoi pale-tchiddo hi, nai well i mulo diwjo viecho, nai well i wawar mulo viecho, ninna i tikno mulo viecho, hoi djal pral i phub, palle hi lo pale-tchiddo, un anas doosh ap peste, ninna te haiwas lo gar, hoi lo kras.

3. Mose 7:21

Te taprell jek tchomone an, hoi pale-tchiddo hi, i menshestar oder i viechestar oder i wawar pale-tchiddo koowa, un palle chal lo kau mass, hoi glan o baro Debleste anlo was, kowa well infam un hi buder kek Israelitari.

4. Mose 19:7

Pal kowa hunte thowell lo pes un ninna peskre koola. Un pal kowa djal lo pash i plachtene khera un atchell pale-tchiddo bis ap i rati.

1. Korintarja 15:33

Ma patsenn, kai lengro tchatcho hi! Ma krenn kowa, hoi jon krenna!

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Efesarja 5:11

Ma djan ap o tchilatcho drom kolentsa, kai krenna, hoi tchi moldo un tchilatcho hi! Sike lende, har tchilatcho kowa hi!

Kolossarja 2:20

Tumer meran o Jesus Kristeha. Doleske hi i phubjakro koowa buder gar o rai pral tumende. Hoske rikrenn tumen gomme ap kol menshengre laba, kai penenn tumenge:

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.