3. Mose 11:2 - O Debleskro Drom 2021 (Sinte)

² Penenn ap i Israelitarja: Kalla hi i vieche, hoi nai chan kolendar, kai djiwenn ap o them:

O Debleskro Lab 2024 (Sinte-Manouche)

² Penenn ap i Israelitarya: Kalla hi i firhe, hoy nay rhan kolendar, kay djivenn ap o them:

3. Mose 11:2 ပူးပေါင်းရင်းမြစ်များ

Ezekiel 4:14

Kote penom me: Ach miro rai, baro Dewel! An kek tsiro wom me pale-tchiddo. Fun tiknes pre bis kau diwes, chom gar viechen, kai meran, witar gar sawen, kai khetne dandedo wan. Kek mass, hoi pale-tchiddo hi, was an miro mui.

Daniel 1:8

O Daniel las peske an peskro dji glan, te chal lo gar o baro rajeskro chapen un pijell gar leskri moljatar, te krell lo pes gar pale-tchiddo. Un job mangas o pralstunestar pral o rajeskro kheer, te hunte krell lo pes gar pale-tchiddo.

3. Mose 11:1

Un o baro Dewel penas ap o Mose un o Aron:

3. Mose 11:11

Ma chan leskro massestar! Un te hi sau viecho mulo, well lo tumenge pale-tchiddo.

3. Mose 11:13

Kalla hi i tchirkle, hoi hunte chan gar. Kalla wenn tumenge pale-tchiddo: o adlari, kol tchirkle kai chan tikne bakre, kachja un matche; massengre tchirkle, hake ratsjakre tchirkle, hake korake, ninna i straussetikre kachja un i mulengre tchirkle, panjeskre möwe, un o habichto un hake tchirkle dran leskri familja; un o tikno ratsjakro tchirklo un o baro ratsjakro tchirklo, o panjeskri kachni; un o pelikano un o mulo-massengre tchirkle un o shwano; un o storcho un hake matchengre tchirkle; un o wiedehopf un o fledertikre kermuse.

3. Mose 11:21

Kokres kolla kolendar, kai nai stenn, nai chan tumer.

3. Mose 11:29

Kalla hi i vieche, hoi hi tumenge pale-tchiddo mank i tikne viechende, hoi djan pral i phub: o maulwurfo, i kermuse, hake eidekse, o gekko, o salamander un o khameleon.

3. Mose 11:3

Hako viecho, koles pre-phagede pire hi, tseles pre-phagedo hunte wenn le, un hoi o chapen dui kope chal, kolen nai chan.

3. Mose 11:34

Te well pani dran sawi piri pash i chapen dino, well ko tselo chapen pale-tchiddo, ninna hako pipen dran sawi piri.

3. Mose 11:39

Te merell i viecho, hoi nai chan tumer, un jek tumendar taprell les an, kowa well pale-tchiddo, bis te well rati.

3. Mose 11:4

Mank kolende, kai o chapen dui kope chan, hi sawe, hoi hunte chan tumer gar: I khamela un o shoshoi, un o bergetikro shoshoi. Ninna te chan le pengro chapen dui kope, len hi kek pre-phagede pire. Pale-tchiddo hi le tumenge!

3. Mose 11:9

Kalla hi i vieche, hoi nai chan tumer kolendar, kai djiwenn an o pani: Halauter, hoi les flosse un shuppe hi, un djiwell an o baro pani un an i lengste panja, kowa nai chan tumer.

Mateo 15:11

O chapen un o pipen, hoi i mensho an peskro mui tchiwella, kowa krell les gar pale-tchiddo. Kol tchilatche laba, hoi i mensho rakrella, kolla krenn les pale-tchiddo.”

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.