3. Mose 11:13 - O Debleskro Drom 2021 (Sinte)

^13-19 Kalla hi i tchirkle, hoi hunte chan gar. Kalla wenn tumenge pale-tchiddo: o adlari, kol tchirkle kai chan tikne bakre, kachja un matche; massengre tchirkle, hake ratsjakre tchirkle, hake korake, ninna i straussetikre kachja un i mulengre tchirkle, panjeskre möwe, un o habichto un hake tchirkle dran leskri familja; un o tikno ratsjakro tchirklo un o baro ratsjakro tchirklo, o panjeskri kachni; un o pelikano un o mulo-massengre tchirkle un o shwano; un o storcho un hake matchengre tchirkle; un o wiedehopf un o fledertikre kermuse.

O Debleskro Lab 2024 (Sinte-Manouche)

¹³ Kalla hi i čirkle, hoy hounte rhan gar. Kalla venn t'menge pale-čiddo: i adlarya, kay rhan tikne bakre, karhya oun mače;

3. Mose 11:13 ပူးပေါင်းရင်းမြစ်များ

Hiob 28:7

Kek adlari prindjrell o drom pash kol barra, un kek tchirklo, koles i feteder jaka hi.

Hiob 38:41

Koon hi kowa, kai dell o korakeske leskro chapen, te denn leskre tchawe pash o Debleste gole, un i bokatar kate te kote nashenna?

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Jeremia 48:40

Kawa penell o baro Dewel: Dikenn, kowa, kai marell o Moab, well sik har i adlari, un krell peskre mussja buchles pral o them.

Ropaskre gilja 4:19

Kolla, kai men palla lan, his sikeder har i adlarja tel o bolepen. Ap o pralstuno them lan le men palla, un an o mulo them luran le menge pre.

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

3. Mose 11:11

Ma chan leskro massestar! Un te hi sau viecho mulo, well lo tumenge pale-tchiddo.

3. Mose 11:12

Lauter, hoi an o pani hi, un les kek flosse un kek shuppe hi, well tumenge djungeles.

Habakuk 1:8

Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.

Zakarie 5:9

Un me dikom pre un dikom dui djuwjen, kai wan pash mande. Kolen his mussja har kol bare tchirkle, hoi kharenn ‘storche’. Un o ducho djas an lengre mussja un tradas len glan. Un kal djuwja hidjran koi korba mank i phub un o bolepen krik.

Mateo 24:28

Kote, kai i mulo mass tchiddo hi, kote wenn i bare diwje tchirkle khetne te chan le.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.