3. Mose 10:14 - O Debleskro Drom 2021 (Sinte)

¹⁴ Ko betch un koi tchatchi palstuni heri, hoi pre hadedo wan glan o baro Debleste, hi ninna tumenge. Chan len khetne tumare tchawentsa un tchentsa ap i wawar platsa, hoi djudjo hi o Debleske. Kal kotja mass hi tiro kotar un tire tchawengro kotar kol viechendar, hoi i Israelitarja o baro Debleske anan, te chan le len khetne glan leste.

O Debleskro Lab 2024 (Sinte-Manouche)

¹⁴ Ko beč oun koy čači palstouni heri, hoy pre hadedo van glan o baro Debleste, hi ninna t'menge. Rhan len khetne t'mare čaventsa oun čentsa ap i vavar platsa, hoy djoudjo hi o Debleske. Kal kotya mass hi tiro kotar oun tire čavengro kotar kol firhendar, hoy i Israelitarya o baro Debleske anan, te rhan le len khetne glan leste.

3. Mose 10:14 ပူးပေါင်းရင်းမြစ်များ

2. Mose 29:33

Jon kokres chan kol kotja mass ko viechestar, hoi maredo was, te well lengri doosh krik lino, te nai wenn le o Debleskre rashaja. Kek wawar nai chal ko mass, – kowa hi o Debleskro chapen.

Ezekiel 42:13

O mursh penas ap mande: Kal isema, kolla ap i nordetikri rig, un kolla ap koi rig, kai o kham pralstunes tardo hi, hoi pash koi platsa tchiddo hi, hoi pal o Debleskro kheer hi, kolla hi kolenge, kai budrenn o Debleske. I rashaja, kai glan o baro Debleste pengri budi krenn, nai chan kote pengro kotar kolestar, hoi o Debleske anlo was, un hoi kokres i rashaja nai chan. An kal iseme tchiwenn le kowa, hoi o Debleske anlo was: ko djob, un ko mass kol viechendar, hoi i doshake maredo wan un doleske, te well lauter pale mishto. Kal iseme hi koleske, hoi o Debleske hi.

3. Mose 10:13

Kau chapen hi tiro un tire tchawengro kotar kolestar, hoi o baro Debleste chatchedo well. Doleske chan les ap i Debleskri platsa. Jaake penas kowa mange o baro Dewel.

3. Mose 22:13

Te meras lakro rom oder mukas lat, un lat hi kek tchawe, un joi djal pale an peskro dadeskro kheer, palle nai chal li fun peskro dadeskro chapen jaake har kras li, har li terni his. Kokres kolla dran o rashajeskri familja nai chan fun ko chapen, hoi o baro Debleske anlo was.

3. Mose 9:21

Kol betcheskre kotja un i tchatche palstune herja hadas o Aron glan o baro Debleste pre, te sikrell lo, kai kal tsele vieche o baro Debleske his. Jaake penas kowa o baro Dewel o Moseske.

4. Mose 18:11

Ninna ko wawar koowa, hoi i Israelitarja mange anenn, dau me tute un tire tchawende un tchende, hako tsireske. Koon gar pale-tchiddo hi an tiro kheer nai chal kolestar.

4. Mose 5:9

Ninna ko wawar koowa, hoi i Israelitarja o baro Debleste denn, hi i rashajenge.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.